Skip to main content

Prinsi sermersuarmi

Ataasinngormat unnukkut kunngikkut Tasiilami Mittivakkat sermiat helikopterimik takuniarpaat.

– Nuanneqaaq, unnuk alianaatsoq, prins Henrik sermitsiaq.gl-imut oqarpoq Mittivakkat sermiat takuniareerlugu Tasiilamut mikkamik.

ALLAASERISAQ ATUARUK: Dronningi Prinsilu Kulusummi

Hotel Ammagssalimmi nereqatigeereerlutik, tassani nerisitsisuulluni naalakkersuisunut ilaasortaq Jens B. Frederiksen, Demokraatit, helikopterimik aallarput, qooqquillu atuarlugit minutsini 15-ini timmereerlutik 800 meterinik qaffasissusilimmi quassukkamut mipput sermimut isikkivilimmut. Akunneq ataaseq tassaniipput, dronningi filmiliortunit, kunngikkunnik Kalaallit Nunaanni angalanerannik malinnaasunit, sammineqartoq.

Dronningip apersorneqarnerani uia prinsi ujaqqamut ingippoq qaqqanut, kangerlunnut isikkivilerluni ukisilerpoq piffik qaangiutereersoq eqqarsaatigalugu.

– Ukiut 39-it matuma siornatigut siullermik Ammagssalimmiinnera eqqaavara. Nuannersorujussuusimavoq. Oqartariaqarpunga Ammagssalik taamanikkornit maanna anginerulaartoq, sulili kusanaqaluni, prinsi oqaluttuarpoq.

Tasiilamut uteramik unnummi alianaatsumi sermeq, kangerluk ilulissallu qulaallugit ingerlapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER