Aalaterineq
Dronningi Kalaallit Nunaat sinnerlugu isumalluarpoq ullut tallimat Nuumma Tasiilamilu tikeraareerluni.
Nalunaaqutaq 13:30 kunngikkut Tasiilamiit qulimiguulimmut ilaallutik aallarput, ullut marluk pisoqarfioqisut qaangiuttut. Dronningip Tasiilap takoqqinnera nuannaarutigaa, kingullermik illoqarfimmut tamaanga tikeraarpoq 1p97-imi.
– Ukiunut aqqaneq-marlunnut matuma siornamut naleqqiullugu illoqarfik angininngorsimavqo, ataatsimut isigalugu illut asserfallatsaalineqarnerat pitsanngorsimavoq kiisalu inuit isikkuisigut takuneqarsinnaavoq pitsaanerusumik atugassaqartut, Dronning Margrethe sermitsiaq.gl-imut oqarpoq.
ASSIT TAKUKKIT: Dronningip Kuummiuni tikeraarnera
Pingasunngorneq ullaap tungani pisortatigoortumik pisussaqanngimmat Prins Henrik illoqarfimmi pisuttuarpoq, Dronningilu nalunaaquttap akunneranik ataatsimik sivisussuseqartumik umiatsiarpoq.
– Uanga nalunngilara ullumikkut Kalaallit Nunaanni sumiikkaluaraanniluunniit ajornartorsiuteqartoqartoq, kisianni soorluuna illoqarfimmi allatut misigisaqarneq malunnartoq, Dronningi oqarpoq.
ATUARUK ALLAASERISAQ: Sulineq sivisooq
Kalalaallit Nunaata sinniisuisa heliportimi kunngikkut inuulluaqquaat. Tassaapput naalakkersuisunut ilaasortaq Jens B. Frederiksen, Demokraatit, Kommuneqarfik Sermersuumi borgmesteri Asii Chemnitz Narup, IA, naalagaaffiup sinniisuutitaa Søren Hald Møller aamma angalanermi ataqatigiissaarisoq Tukummeq Qaavigaq.
Dronningip oqaloqatigineqarnerata sinnera Sermitsiaq normu 26-mi atuarsinnaavat.