Skip to main content

Kunngissakkut Svalbard Kalaallit Nunaallu pillugit

Kunngissaq Frederik, kunngissaq Victoria kunngissarlu Haakon siorna Svalbardimiipput, upernaarlu manna Kalaallit Nunaanniillutik, maannalu misigisatik atuakkiarilerpaat.

Norgep kunngissaa Haakon, Sverigep kunngissaa Victoria Danmarkillu kunngissaa Frederik Svalbardimi Kalaallit Nunaannilu misigisaminnik atuakkiorput, taamatut allappoq svalbardposten.no.

Kunngissat taakkua pingasut siorna aasakkut siullermeersumik pisortatigoortumik angalaqatigiipput taamanikkut Svaldbardimiikkamik, ilaatigut umiarsuarmik sikusiummik "Oden"-imik angalallutik. Angalanerit ingerlanneqarput taakkua pingasuullutik tamarmik nunaminni Nunani tamalaani Issittup Ukiuanut illersuisuunerminnut atatillugu, ukioq mannalu Kalaallit Nunaannut angalapput.

Atuakkami oqaluttuarineqassapput silap pissusiata allanngoriartornera aammalu Issittumi ilisimatusarneq inuunerlu, avatangiisinillu ilisimatuut pingasut atuakkamut ilanngussissapput.

– Pingaaruteqarpoq atuakkamik taamaattumik saqqummersitsinissaq, naqiterisitsisarfiup Cappelen Damm-ip, atuakkamik saqqummersitsisussap pisortaa Ole Rikard Høisæther oqarpoq.

– Misigisarparput inuit amerlanerusut soqutiginnilertartut kunngikkormiut atuakkiornermi peqataagaangata. Namminermini naleqartitsissaaq kunngissat inuiaqatigiinni apeqqutinik amerlasuut sammisaannik atuakkiorpata, Høisæther oqarpoq.

Kunngissat tamarmik atuakkami kapitalimik allassapput. Atuagaq assiliisup Veronica Melå-p, kunngissakkut angalanerini marlunni peqataasup, assilisaanik assiliartaqassaaq.

Atuagaq skandinaviamiut suleqatigiillutik sanassavaat, avatangiisinik ilisimatuut pingasut nunartik sinnerlugu atuakkamut ilanngussissallutik: Norgemi Cicero-p pisortaa Pål Prestrud, Minik T. Rosing, Danmarkimit, aamma Anders Karlqvist, Sverigemit. Ilaatigut allaaserissavaat tamaani ilisimatusarneq, avatangiisitigut inerirtorneq suliniutillu suut suliniutigineqassanersut.

Saqqummersitsisarfiup pisortaa Høisæther oqaluttuarpoq atuagaq oktobarimi saqqummissasoq, ataatsikkullu Norgemi, Sverigemi Danmarkimilu pisiniarfinni pisiarineqarsinnaalissasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER