Immap naqqatigut kabeli TELE Greenlandip inaarsarpaa
Kalaallit Nunaannut immap naqqatigut kabeli naluneqanngitsutut atulereeraluartoq ikkussorneqarnera suli naammassivinngilaq.
Immap naqqatigut kabelip ikkussorneqarnera suli naammassivinngilaq, taamaattumik umiarsuaq kabelimik ikkussuisoq "Peter Faber" Nuummukarpoq, ukioq manna siusinnerusukut suliassat ataasiakkaat kinguartinneqartariaqarsiammata ukiuunera pissutigalugu, taamatut allappoq knr.gl.
Naatsorsuutigineqarpoq umiarsuaq juulip 13-ianni tikissasoq. Nuummi takussaasumik suliassaq tassaavoq Sanap ataani Saqqarlernilu kabelip nunamoortuisa nunamut assaateqqinneqarnissaat, taamaasilluni tininnerani ersikkunnaarsillugit. Tamatuma saniatigut aqqartartumik inoqanngitsumik naggataajusumik misissuisoqassaaq.
Naatsorsuutigineqarpoq suliassat tamarmik aggustip qiteqqunnerani naammassineqassasut, immalli naqqatigut kabelimik atuisartunut sulineq akornusersuissanngilaq, taamatut paasissutissiivoq Tele Greenland.