Ilaqutariit nannunik pulaarneqartut

Qallimiuni arnaq meeqqani mikisut pingasut ilagalugit kisimiillutik angerlarsimasut marlunngormat ullup qeqqata missaani tuparujussuarpoq, nannunik pingajoqqanik pulaarneqarami.

Assillisoq: Scott Schliebe.

Nanortallip eqqaani savaateqarfimmi Qallimiuni nanoq ungaluukkat eqqaanni ilaqutariit peqqumaataannik puisip neqaanik nerersuataarpoq, ag.gl allappoq.

Meeqqat pingasut arnaata politiit kalerrippaai, taakkulu arnamut nanoq misilillugu qimaatinniarsareqquvaat.

Taamatumali nalaani ilaqutariit angutitaat umiartiarsimalluni tikippoq, traktorimillu ungoorlugu iluatitsilluni nanoq qimaatippaa.

Nanortalimmi politiit nanoq sumut qimaasimanersoq aammalu kujataani uumaannarsinnaanersoq naluvaat. Kisianni Nanortalimmi ukiumut nannuttassat tallimat tamakkerneqareersimammata, nanoq aallaaqqusaanngilaq.

Powered by Labrador CMS