Nauja Århusimi Narsamilu saqqummersitsissaaq
Nauja Fleischer, annoraaminilerisutut ilinniarnerminik naammassinningajalersoq, Århusimi Narsamilu saqqummersitsivoq.
Moesgård Museum Århusip eqqaaniittoq aasaq manna issittumi ilisimasassarsiortoq Knud Rasmussen pillugu saqqummersitsivoq.
Assammik mersukkat qangaaniilli atisat atorneqartartut saqqummersitsinermi ’Polarrejsen – fra Grønland til Stillehavet’ (Issittumi angalaneq - Kalaallit Nunaanniit Manerassuarmut) takuneqarsinnaasut, Nauja Fleischerip, Viborgimi Textilimik ilinniartitaanermi ilinniartuusup mersugarai.
Ilaatigut Knud Rasmussenip jakkia, Kapatak, assililluinnarlugu mersorpaa, Naajamullu, affarmik kalaaliusumut, suliaq tamanna immikkorluinnaq ittuuvoq.
- Qangaaniilli atisanik suliaqarnerup immikkorluinnaq ittuuneranut ilaatigut pissutaavoq tamatumani pineqarmat assassullaqqinneq. Assersuutigalugu amermik aanaveersaariaatsit assigiinngitsut arfineq-marluupput, aamma ammit katiterlugit mersornissaannut immikkut mersortariaaseqarpoq kiluinik ersersitsinngitsumik. Assassoriaaseq nalunartoq, kisianni atsamma kalaaliusup suliara tulluusimaarutigaa, Nauja teknikeren.dk-mut oqarpoq.