Skip to main content

Aalisakkat amerlanerusut

Davisstrædetimi qalerallit amerliartorput, aappaagulu 2010-mi pisassat 30 procentimik amerlineqarsinnaapput.

Biologit siunnersuinerat kingulleq malillugu KalaallitNunaat Canadallu siunissami Davisstrædetimi qaleralittassatik 30%-it missarpiaannik amerlisinnaavaat, ukiumut katillugit 11.000-iniit 14.000 tonsinut. Aatsaat siullerpaamik biologit qaleralinniarnermik siunnersuisalermatali Atlantikup Avannaani tamarmi qaleralittassat amerlineqarput. Taamatut siunnersuisoqarpoq NAFO-mi (Den Nordvestatlantiske Fiskeriorganisation) siunnersuisartut ilisimatuut kingullermik ataatsimiinneranni. Pinngortitaleriffimmi immikkoortoqarfimmi pisortap Helle Siegstadip oqaatigaa, ukiorpassuarni aalajaatsumik aalisarsimanerup kingorna ineriartorneq tamanna peqqinnartuusoq.

Pinngortitaleriffiup pisortaata Klaus Nygaardip ineriartorneq tamanna pitsaasoq nuannaarutigaa:

- Tamanna anguniagalimmik ilisimatusarnermik nakkutilliinermillu suliniuteqarnerup ersarissumik inerneraa, silatuumik ingerlatsinerup aammalu Kalaallit Nunaata aamma Canadap/Nunavutip atuinermut atatillugu paaseqatigiilluarnerisa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER