Skip to main content

Aalisakkat akii minnerpaaffilerneqassanngillat

Aalisartut Piniartullu Kattuffiata, KNAPK-p, aalisakkat qaleruallillu akiisa minnerpaaffilerneqarnissannik piumasaqarnera ukioq manna piviusunngortinneqassagunanngilaq. Taamatut allappoq knr.gl.

- Akinik minnerpaaffiliinissamut aalisartut piumasaqarnerannut aningaasanik immikkoortitsisoqarsimanngilaq, akillu minnerpaaffilerneqarnissaasa qulakkeernissaannut inatsisitigut tunngavissaqanngilagut, Ane Hansen, aalisarnermut, piniarnermut aamma nunalerinermut naalakkersuisoq radioaviisimut oqarpoq.

- Royal Greenlandip aamma Arctic Green Foodip akornanni maannakkut oqaloqatigiittoqarpoq tunitsiviit 16-it ammaqqinneqarnissaannut atatillugu. Assersuutigalugu Qeqertarsuatsiaani aalisartut nunaqarfimminnut tunisisinnaalissapput pisatik Nuummut tunissaarlugit, Ane Hansen oqarpoq.

Pilersaarutaavortaaq Kangaatsiami umiarsuaq tunitsiviup Nuup eqqaanutilernissaa.

Nuummi aalisartut piniartullu peqatigiiffiat Nuummi umiarsualivimmi assersuiniarlutik ilimasaarigigaluarput akit minnerpaaffilerneqarnissaannik piumasaqaatertik piviusunngortinneqanngippat. Nuummi aalisartut oqaaseqartittagaat, Johannes Heilmann, oqarpoq ilimasaarutertik piviusunngortinneqassanersoq ataatsimeeqqilerunik eqqartorniarlugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER