Politi: Aqqusinermi angallannermi akisussaaffeqarlusi pisaritsi

Johan Davidsen, Nuummi Politiit pisortaat, isumaqarpoq ammasumik oqaloqatigiittarneq aamma pinaveersaartitsineq aqqutissaasut aqqusinermi angallannermi akisussaaffeqarnerulernissamut.

- Biilertunut mianersoqqullugit oqaaqqissaariuartarsinnaavugut. Kisianni aamma eqqaamasariaqarparput inuit nammineersinnaalereersut kisimik biilernermut allagartartaarsinnaammata. Inuillu nammineersinnaassuseqartut aamma akisussaassuseqarnissaat naatsorsuutigisariaqarparput, Johan Davidsen, Nuummi Politiit pisortaat ag.gl-imut oqarpoq.

- Aamma aqqusinermi biilernermi pisullunilu angallanneq eqqarsaatigalugit. Uagut inersimasuusugut inuunitsinnut akisussaaffeqarpugut, taamaattumillu tamatuma uagut immitsinnut allanullu takutittarnissaa suliassaraarput, oqarpoq.

Arfininngornermi Nuummi inuusuttut marluk ajunaarput allallu pingasut aqqunarlutik mittarfiup tungaanut aaqqusinermi biilit ajutoormata. Mittarfiup tungaanut aqqutaani aatsaat taamatut ajutoortoqanngilaq.

Powered by Labrador CMS