Sermitsiaq imaanut avalappoq
3. juulimiit arfineq-aappaata tungaanut aaqqissuisoqarfimmi atorfillit marluk Nuummiit Ilulissanut sinersortaammut ilaallutik angalassapput.
Ullormut oqaluuserisassat ataatsimiinnissallu tunngaviginagit - taamaallaat angalanissamut pilersaarut - taanna aallaavigalugu Sermitsiami aaqqissuisoqarfimmi atorfillit marluk sineriak angalaffiginiarpaat Sarfaq ittummut ilaallutik.
Uani sermitsiaq.gl-imi ullut tamaasa allaaserisaqartarniarpugut assigiinngitsunik ullorsiutut ittunik, umiarsuarmi sinersortaammi inuunermut tunngasunik kiisalu ilaasut naapittakkavut pillugit allaaserisanik naatsunik.
Angalaneq pissaaq tallimanngornermi unnukkut juulip ulluisa pingajuanniit Ilulissanullu 7. juuli tikinnermi Nuummullu uternermut.
Aaqqissuisoqarfiup imaatigut angalatitaannut, tassaasunut assiliisoq Leiff Josefsenimut aamma ataani atsiortumut, Hanne Brobergimut, allaaserisassamik arlaannik piukkussaqaruit, qujarunneqassaatit saaffiginnikkuit telefon normu 55 42 06-imut imaluunniit emailikkut hanne@sermitsiaq.gl
Naapissinnaavatsigut
Sisimiuni arfininngornermi nal. 18.30 - 21.00
Ilulissani sapaammi nal. 13.00 - 17.00
Aamma umiarsuup taliffiini niusarsinnaassaagut.