Skip to main content

Ullut aappassaat: Iluliarsuarujussuaq

Kalerriuppara, Ilulissat Kangerluat Sarfaq Ittuup quleruaanit tamaniit assilisaqattaarneqarpoq.

Sapaatikkut ullaakkut Aasiaat toraallugit ingerlaarnermi iluliamerngit imaluunniit ilulissat siulliit takussaalerput. Neriorsuutigineqaraluarpoq ullaakkut arfinerniit ilulissat siulliit takuneqarsinnaalersimassasut.

Kisianni nalunaaqutaq arfineq sapaatikkut ullaakkut ullaavallaarpoq, tassalu ilaat umiarsuup qaavani sapiiserlutik qiiakuluttut, amerlasuut qalaqqaamik kaffisorlutik igalaakkut silataani ilulissat saneqquasut isiginnaarujoorpaat.

Kisianni umiarsuup qaavanukarusunneq noqitassaajunnaarpoq. Tamarmillu maaniipput inuit anorimut illersuutitalinnik jakkilerlutik qinnguserlutik assiliissutitik digitaliusut qungatsiminnut nivinngatillugit, nikorfappullu kamippatik pisuutit tutsilluarlugit qiijapput.

Qiijanarpormi iluliarsuit saneqquallugit, tulliuttoq siullermiit annerusarluni nillerlu qiulernaanngilaq, qaavatigut qallippaaqarnani assut uulikulaarnarpoq.

Taamatut ikkarluartoq taava iluliarsuit annerpaat imaluunniit ilusai assigiinngitsuq qujanartut imaluunniit eqqumiitsut takoqqaaniullugit nuannisaarnarpoq. Soorlu aasaanerani nuissat assigiinngitsut aamma isiginnaarlugit. Toqqagassallumi aamakorsuit. Tamarmik digitalimik tammajuitsussatut assilineqarput oqaaseqarfigineqartarlutillu:

– Innga allaanngilaq saaniluk takisuumik qungasilik. Anna soorlu arferujussuaq. Arraa sanna takuuk putuatigut aqqusinersuaq sisamanik aqqutilik inissinneqarsinnaavoq...

Ilulissat ilusaat asseqanngillat qinigassalu imaaginnavipput. Ilulissat ilaat inngereqaat soorluluunnit aligoqqinnik agguutitut atuinnarsinnaasut. Allat ammalukannerput aqippasillutik, soorlu Qeqertarsuup Tunua aqqutigigamikku assakattaannarsimasut taamaalillutillu manissisimallutik.

Siullermik ilulissat sukkut tamaana takussaagaluarput, soorluli kaagiliorfimmi qaqortunik qaalinnik marengsinik kaagiliorsimallutik taakku imaanut milorujutiinnasimagaat, iluliarsuit maannakkut ima akulikillitigaat akunnisiorlugit sangujoraartariaqalerluta. Qeqertarsuup Tunuani iluliarsuit amerlassusiat nunarsuarmi CO2-mik aniatitsermut naleqqersuunneqassappata, taava qaa qaa tamani inatsiliorfinni inatsisiliortut tuaviorniarlik.

Tassami Ilulissaniit, upernaarpalaarluni aputeqaranilu iluliarpassuit ungaataanniittumiit, Qeqertarsuaq tikillugu iluliarsuarujussuit ilaat aanngasissut takuneqarsinnaapput.

Iluliarsuit ilaat illorsuartut quleriiaarsuartut portutigaat, iluliarsuillu qalipaataat qaqqoriimmit tungutsorimmut allanngorarput. Tunngutsorik soorlu imminermini qaammarsimasoq, qalipaata ima kusanartigaaq qarasaaraq allaat malinnaasinnaajunnaarluni. Tassalu tamanna silaqqissumi pippat, seqineq immamut qatsunngarimmut saqqarluni imaq silvitut imerpalasutut qillarittuinnaatillugu, taava kalaallisut oqalussinnaangajalersarnarpoq oqarlunilu: Isfjelderujorujorujorujorujussuaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER