Skip to main content

Ullut pingajuat: Ilulissani qimmit

Aasaq tassa qimmit qimuttut qasuersaarfiat.  

Qatigak meqqulik qaqqap qaavaniittoq takuneqarsinnaavoq. Misigilerpunga oqara kigutinnut tutsillugu hestimik qammaasutut nipimik anillatsitsillunga.

Marlorialunga taamaalivunga.

Sosoqanngilaq.

Qitsuttut qallorama taava qimmeq niaqqerpoq sallaatsorsuarmillu nikuinniarluni aalajangersimagunarluni nikuippoq ammukajaarlu isigilerlunga. Soorluna Serengettip-narsartarsuaniillunga isiginnaagassiami titartakkami qiortagaq, tassani Simbap nikuilluni nakkussillammat.

Qassimmita qimmeq qimuttuik Ilulissani aasaanerani isaatigut isiginnaarsimavaa.

Okii arlaliusimassapput. Amerlanerilli misilittariaqarpaat.

Tassami qimmeq akianiit isigaara, taassuma ukiup ingerlanerani qaammatit arfineq-pingasut inuttami piniartup qamutai sikukkut uniartarpai. Aamma immaqa illoqarfissuarmi inuulluni taamaallaat sanilip qimmiata ungaluukkani allunaasamut pitussimatilluni qilorujoornerata qinngarinnitsilersinnaammanga.

Ukua qimmit allunaasaannaq naammaginngilaat. Kalunnernut pitussimapput amaqqutut miaggoortarput taakulu illuap iluanut inimmut eqqutissallugit naleqqutinngillat.

Qimmit arlallit qimmip siulliup iliuuserisaa malippaat, tassalu Ilulissani qaqqap saavani narsaamaneq qorsooqqissuugaluartoq, maannakkut narsaamaninngorpoq qimminik ataatsikkoorlutik nikuittunik ulikkaartoq. Tassalu uanga kalaallisut taamaallaat pingasut tikillugit kisitsisinnaagama oqaannarniarpunga amerlasuujusut.

Assiliisup assiliivini piareeriarlugu qanilliartorpai, imalu qanitsigilerpai, qimmit ilaat qatiggerlutik nikuipput ornillugulu pituuttamik kalunnerit nunamut tunngajunnaarnissaat tikillugu. Pukusuini meqqui tikkorput soorluli Tunumi qaqqat inngigissut. Ataasiakkaallu qanoq angitigisunik kiguteqarnerlutik takutippaat,

Allaaserinnittunga aqqusinermi nikorfaannarpunga piareersimalluinnarpungalumi susoqassagaluarpat qaasuitsup killeqarfiata avannaani sukkanerpaamik 100 meterimut arparnissannut.

Aarillumi uanga malugilerpara qimmeruna ataaseq pitussimanngitsoq.

Narsaamanerup qeqqata tungaaniit ujakkaarujoorpoq tassalumi qanilliartuinnarluni. Qatiggerpoq aqquserngup sinaani kussineq qulaallugu pissippoq aqqusinermullu nikuilluni:

– Leiffii... Pituussaarsimavoq, uippallingajallunga oqarpunga malugalugulu 100 meterimut arpannissara ilisimasaarutigisimasara piviusunngortinnaviarnagu. Spejderiugallarama atuagarisimasakka eqqaaniarsuataalerpakka, qanormaa, kalaallit qimmianik siullerpaamik takuguit Iliuusissaq Siulleq sunaavamaa...

Oqaasissaarulluinnaqqavunga qularinngilluinnarparalu tassuugunnguaq qimminik meqqujuunik angivallaarsuarnik kiguteqartunik paaneqalissallunga mamarsaatigineqarlungalu nerineqassallunga.

– Suninneq ajorpoq, ersigaatit, assiliisoq oqarpoq qimmerlu qanuugaluarpoq kalaallisut oqarfigalugu, uanga qularinngilara qimmip Houdinimik ateqarnissaa.

Tamanna qimmip paasisimannguatsiarpaa. Niaqqi ammut siulliimi tungaanut sikitippaa qimagukkiartulerlunilu, meqquili tikkoqqapput.

Sanilima qimmikasia pequertoq salliartakkatut imminut isigisoq taanna ajunnginneruvoq, qimmit qimuttut kigutikkaat arferup soqqaatut angitigingajattunik. Taamaangajappummi. Ersinaqaat.

Taakumi illoqarfimmi tamani takussaapput. Siullerpaamik Ilulissat tikillugit imminnut akuleruttut eqqumiipput, Fredericiap Aqqutaani taxat sukkalisaartut, imaanut iluliarsuarnut angisoorsuarnut isikkivik, qimmit miaggoortut immikkoortumut ilanngutassat: Isinginnaarsinnaaneri naammagiuk, attorniaqinagillu.

Qimmit pituttaq. Ila qujanaraluassusia.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER