Nunatta Avannamut Kitaani nuna sajorujussuartoq

Ippassaq ualikkut Nunatta Avannamut Kitaani nuna sajorujussuarpoq. Sajunnera Richterip uuttuutaani 6.1-ivoq.

– Danmarkimi aamma Kalaallit Nunaanni De Nationale Geologiske Undersøgelser - Qallunaat Nunaanni Kalaallit Nunaannilu Ujarassiuut Misissuisoqarfiata - paasissutissinneqarpoq nunap sajunnera Pituffimmi, sajunnerup qitiusoqarfianiit 90 kilometerinik ungasitsigisumiittumi, allaat malugineqarsinnaasimasoq. Ilimagineqarpoq aamma nunap sajunnera Qaanaami sajunnerup qitiusoqarfianiit 195 kilometerinik ungasitsigisumiittumi aamma malugineqarsimanissaa, taamatut allaaserisaqarpoq dr.dk.

Nunap sajunneranik uuttuutit nunarsuatsinni tamani nunap sajunnera tamanna nalunaarsimavaat. Kingullermik Nunatsinni nunap sajunnera pivoq 30. aggusti 2005-imi, taamanikkut Richterip uuttuutaani 5.3-ulluni.