Skip to main content

Ikkami immummik sapigalinnut akiuussutissaq

Atortussiaq aatsitassameersoq Kalaallit Nunnaani Ikkameersoq immummik sapigalinnut neriuuteqalersitsivoq. Aatsitaasaneersoq immuit puinut kartonginut ikineqarsinnaavoq immuullu sukkua amerlasuunik sapigarineqartoq nungutillugu.

Inuit immummik sapigaqartut neriuutissaqalerput siunissami immuttortalersinnaanissaminnut. Biologit tappiorannartunik misissuisartut Peter Stougaard aamma Marianne Schmidt, Københavnip Universitianeersut kangerlummi Ikkami atortussiamik aatsitassameersumik nassaarsimapput, taanna nassaavat immuit puinut ikineqarsinnaavoq immuullu sukkua, amerlasuut sapigarisaat nungutillugu. Sananeqaatinik kaanngartiterillunilu katiterisinnaasoq (enzym) Kalaallit Nunaata Kujataani, kangerlummi Ikkami nassaarineqarpoq.

– Saqqummersittagaq Polarfronten malillugu ilisimatuut taakku marluk enzymi nutaaq, immuup sukkuanik aggulutsitsisinnaasoq ineriartortissimavaat piginnittuusunngorfigalugu. Enzymi bakterianiit, kangerlummi Ikkami sukaasanersunit, immikkoortissimavaat, knr.gl allappoq.

Peter Stougaardip aamma ilisimatitsissutigaa nammineq suleqatigisanilu inalugallit kangerlumi Ikkami sukaasani uumasuusut akuutissat atorlugit misissuiffigisimallugit, uumasullu taakku eqqumiitsut ilimanaateqarsinnaasut nappaassuarmik kræftimik ineriartorunnaartitsisinnaasumik, nakorsaasiornermi atorneqarsinnaasumik, immaqa akoqarsinnaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER