Skip to main content

Nakorsiartarfimmi utaqqisarneq sivikinnerulissaaq

Nutaarsiassatsialak: Nuummi Nakorsiartarfimmi periutsit allanngortinneqarnerisigut nakorsiarluni utaqqisarneq sivikinnerulerpoq. Sisamanngorneq aallarnerfigalugu nakorsamut attaveqarniarneq ajornannginnerulerpoq.

Ingerlariaaseq nutaaq malillugu ullaakkut nakorsiartarfimmut takkunnissaq pisariaaruppoq. Taarsiullugu nakorsaq toqqaannarlugu oqarasuaammut 34 44 54-imut nalunaaqutaq 8.00-p 9.30-llu akornanni attaveqarfigineqarsinnaalerpoq.

Nakorsaq ingerlaannarluni ikiorsiisinnaavoq, imaluunniit piffissamik aggerfissamik innersuussilluni. Nakorsap isumagissavaa nakorsiannginnermi pisarialinnik misissortissimanissaq. Taamaattumik arlaleriarlutit nakorsiartarfimmut uteqattaarnissat pisariaarutissaaq.

- Ingerlariaaseq nutaaq inuttaasunut pitsaassaaq utaqqineq sivikillissammat kiisalu nakorsap attaveqarfiginissaa ajornannginnerulissammat, Nakorsiartarfimmi pisortaq Lene Skriver oqarpoq.

Nakorsiartarfimmi nakorsat amerlanerpaartaat qallunaatut oqaasiliupput. Taamaattumik taakku pikkorissartinneqassapput saaffiginnittut sianeraangata kalaallisut aperisinnaalerlugit, soorlu aternik, telefonnormumik kiisalu cpr-normumik. Tamatuma kingorna nakorsap kalaallip imaluunniit oqalutsip saaffiginnittoq sianerfigissavaa.

Nuummi innuttaasut 100-t sinneqartut ullut tamaasa nakorsiarnissaminnut utaqqisarput. Ingerlariaatsip nutaap atuutilerneratigut, sulisussaatillutik utaqqisariaqartartut utaqqissaassapput, tassami suliffimminniit nakorsamut sianersinnaalernerat periarfissaalermat.

- Nakorsiartarfimmi sulissutigiuarparput peqqinnissaqarfimmi sulisut ajunnginnerpaamik atorluaanissaat, taamaalillugu innuttaasut ajunnginnerpaamik kiffartuunneqarnissaat aamma anguniassagatsigu. Taassumalu ingerlariaatsip nutaap aqqutissiuutissavaatigut, immikkoortortaqarfimmi nakorsat pisortaat Jesper Olesen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER