Skip to main content

Victoria nuannaartoq

Victoriap aatsaat Nunarput tikeraarpaa.

– Innuttaasunit qanilaartunit naapinneqartarpugut tikilluaqqusaasutullu misigisimavugut, Sverigemi kunngissaq Victoria sapaammi ullup qeqqata siorna sermitsiaq.gl.-imut oqarpoq, ullormi anoreqanngitsumi 16-inik issittumi sermersuup qeqqaniitilluni.

Sermersuarmut angalaneq Nunatsinni ulluni tallimani angalanermi kingullersaavoq.

Angalanerup immikkoortua siulleq alapernaarsuummik »Ejnar Mikkelsen«-imik pivoq, pingasunngornermi kunngissat pingasut Sisimiuniit aallarmata tallimanngornermilu Ilulissanut apuullutik. Arfininngornermi ullaap tungaani Kangerlussualiarput tassanngaanniillu sermersuarmi ilisimasassarsiorfimmut NEEM-imut ingerlaqqillutik, tassani nunat assigiinngitsut suleqatigiipput sermimiit misissugassanik piiaanermik. Sermeq misissugassaq ilisimatusarneq uagullu silap pissusiata nikerarneranik paasissutissiissaaq.

NEEM-imi unnuereerlutik kunngissat pingasut sapaammi ullup qeqqata siornatigut Herculesimit sisoraatinik nunnissutilimmit aaneqarput. Pilersaarutaagaluarpoq amerikamiut qilleriffiannut »Summit«-imut sermersuarmi ungasissumiittumut takornariartinnissaat, silalli ajorneranik tamanna unitsiinnarneqarpoq, marloriarlunilu aallariarnermi Hercules NEEM-imiit qangattaannaqaaq toqqaannartumik akunnerit pingasut atorlugit Kangerluassualiarluni. Kunngissat pingasut angalaneranni silap pissusaata allanngoriartornera qitiuvoq, angalanerannilu aamma ilisimatusartunik naapeqateqartarput Nunatsinnilu ilisimatusarfinnik takuniaallutik.

– Tikeraarneq nuannerluinnarpoq, angalaneq tamanna uanga qangalili pissanngatigisimasara. Nuannaarutigeqaara taamatut periarfissinneqarsimagama. Soqutiginarpoq ilikkagaqarnarlunilu, kunngissaq Victoria oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER