Skip to main content

Upernavimmi imeq qalaattarlugu

Upernavimmi innaallagissiorfiup imeqarfiullu ikuallassimaneranni illoqarfimmi innuttaasut kaammattorneqarput imeq qalaattassagaat. Imermik qalaassisarnerup pisariaarunnissaa pillugu Nukissiorfiit aaqqiiniarniarput.

Issakkunni Upernavimmi ikuallannerujussuup kingorna Upernavimmi imeq imigassaq ajorsisimavoq. Taamaammat avatangiisinut aqutsisoqarfik peqqussuteqarpoq imeq qalaanneqartassasoq.

Tankit imiisiviit, ikuallannerup kingorna kiserngoruttut imeqarfimmit imermik toqqaannartumik pissarsisarput. Imertaatinut immiunneqaraangat klor-ilerneqartarpoq. Nukissiorfiit ungasinnerusumut aaqqiissutaagallartussamik sulissuteqarput. Tassaasinnaavoq containeri saliissummik atortulik, ikuallannermi annaaneqartumut eqqaanartoq.

-Qalaassinissamut peqqussut qaammatini marlunni sivisussuseqarsinnaavoq, Nukissiorfiit naliliivoq.

Nukissiorfiit Upernavik, ikuallattoqarmalli oqarasuaatikkut attaveqanngimmat, akiligassat assigisaallu pillugit apeqquteqaatit nalinginnaasut Nukissiorfiit qullersaqarfianut innersuussutigineqarput, oqarasuaat 34 95 00. Taassuma saniatigut Upernavimmi oqarasuaatit normu makku atorneqarsinnaapput: Imertaatini sillimasoq 59 01 46, sillimasup oqarasuaataa 59 02 66, allaffik 52 21 47.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER