Skip to main content

Golfertarneq nuannaralugu

Naalagaaffeqatigiinni golfklubbit avannarlersaanni Nuuk Golfklubbimi golfertaleqqinnissamut periarfissaleqqippoq.

13-inik ukiulik Sebastian Glasholm arfininngornermi Nuuk Golfklubbimik alakkaasoq ilagaat, tassani nunaannarmi golfertaleqqinnissamut misiliilluni sungiusarnissamut ukioq manna ammaasoqarmat.

Illup iluaniittut banet marluk atorneqarluaqaat, silalu pitsaavallaanngikkaluartoq arlallit silami misiliilluni sungiusarput.

Sebastian Glasholm taakku ilagaat:

- Ataatamaana maanga ilaserigaanga. Golfertartuugami. Kisianni ikinnguteqarpunga golfertartumik. Taannalu pikkorilluinnarpoq, Sebastian nassuiaavoq, takorloorsinnaavaalu nammineq golfertartut klubbianni 120-t missaannik ilaasortaqartumi ilaasortanngornissi.

Sapaat klubbimi unamminissami ukioq manna siullersaavoq, taava piffissami golferfiusussami pisussat tulleriiaaginnavissapput ilaatigut golfertalerlaanut sukkasuumik periarsinnaanermut sungiusarneq, unamminerit aamma inuttut ataatsimooqatigiinnerit:

- Peqataarusuttut tikilluaqquneqartarput. Ilaasa golferneq pingaartittorujussuuaat - upperisatullu isiginiartarlugu. Maani Nuummi taamaanngilaq. Kikkut tamarmik maani inissaqarput, Jesper Kreiner, Nuuk Golfklubbimi siulittaasoq, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER