Atuagaq nutaaq Kalaallit Nunaanut takornariat ingerlanerat pillugu
Liisi E. Hegelund Kalaallit Nunaanni takoriaqarnerup pileqqaarnera pillugu atuakkamik nutaamik saqqummersitsivoq, "Tikeraaq".
Liisi Egede Hegelund, Sisimiuni takonariartitsinermut pisortaasimasoq Kalaallit Nunaanni inuussutissarsiutit pingaarnerit ilaat pillugu oqaluttuarluni allaaserisaqarpoq, 1952-imi aallarteqqaarneraniit ullumimut, knr.gl allappoq.
Kalaallit Nunaannut takornariartarlersut siulliit tassaapput islandimiut, taakku 1952-imi ulluinnarlugu Islandimiit Tunumut takornariartitsisalerput. Tamatuma kingorna islandimiut Kujataanut takornariartalerput, kisianni aatsaat 1960-ikkut ingerlangaatsiareersut Kangerlussuarmi mittarfik Kalaallit Nunaata Kitaanut takornarianut ammaassivoq.
Aatsaat 1991-imi Kalaallit Nunaanni Takornariartitsinermut Siunnersuisooqatigiit pilersinneqarmata takornariartitsineq aaqqissuussaanerulerpoq, taamanikkumiillu siuariartuinnarsimalluni.
Liisi Egede Hegelund takornariartitsinermut pisortatut siulliulluni nunatsinni atorfeqartuuvoq, 1985-imi taamatut atorfeqalerami, taamaattumik atuakkamut nutaamut ukiorpassuarni misilittagaqarneq tunuliaqutaavoq, atuagaq "Tikeraaq" tallimanngormat saqqummerpoq kalaallisut tuluttullu allataalluni.