Skip to main content

Naja Petersen: Taasinermi akuersigisi!

Naligiissitaanissaq pillugu naalakkersuisup kunnginngortartut tulleriiaarnerat pillugu inatsisip allanngortinneqarnissaa tapersersorpaa.

– Kunnginngortartut tulleriiaarnerat pillugu inatsisip allanngortinneqarnissaa sapaatiuppat akuersaarniarpara, ilaqutariinnermut peqqissutsimullu naalakkersuisuugallartoq - taamatuttaaq naligiissitaanermut - Naja Petersen, Atassut, sermitsiaq.gl -imut oqarpoq.

Aamma neriuutigaa Nunatsinni qinersisartut sapaatiuppat taasiartornissaat kikkunnullu tamanut naligiissitaanissaq erseqqilluinnartumik krydsilerlugu.

– Ullumikkut Nunatsinni naligiissitaavugut?

– Isumaqarpunga siuariartorsimalluta, Naja Petersen oqarpoq.

– Siornatigut aalajangersimalluinnartumik arnat angutillu inissisimapput: Angutit piniartorsuupput, arnat angerlarsimaffimmiittarput meeqqanillu perorsaasuullutik, nerisassiortartuullutik aamma amermik mersortartuullutik. Ullumikkut arnat suni tamani siuariartorput, marlunngormallu qinersinermi angutit 19-it arnallu 12-it Inatsisartunut qinersisartunit isertinneqaraluartut, kalaallit inuiaqatigiinni tamani arnat takussaanerujussuanngorput. Tamannalu ajunngeqaaq eqqarsaatigissagutsigu Nunatsinni arnat aatsaat 1948-mi qinersisinnaalernerat.

Naja Petersenip erseqqissarpaa naligiissitaanerup arnanut angutinullu atuunnissaa.

– Uagut arnat ajornartorsiutit pillugit oqaloqatigiilluartarpugut, kalaalerli angut imminut mattulluni ajornartorsiutini iioraannartarpai. Imminortarnermi kisitsisit ajoraluartumik annertupput, angutit arnanit amerlanerusut imminortarmata. Isumaqarpunga naligiissitaaneq eqqartussagutsigu aamma ajornartorsiutit taamaattut aaqqinniarnissaat eqqartortariaqarigut.

– Ilissi angerlarsimaffissini naligiippisi?

– Aap, ilaana, Naja Petersen oqarpoq. Politikkikkut suliaqarnera pissutigalugu angalasarsimaqaanga, taava uima meeqqat angerlarsimaffippullu nakkutigisarpai - naammagittaalliussananilu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER