Qeqertap Lockwoodip eqqaani qulimiguulimmik annaassiniarneq
Siriuspatruljemi peqataasarsimasut marluk Kalaallit Nunaata avannamut isuata eqqaani qeqertap Lockwoodip eqqaani qulimiguulimmik Svalbardimeersumik annaanneqarput.
Qallunaat angutit marluk Siriuspatruljemi angalaqataasarsimasut sermersuarmik itiviiniarnermut peqataasut, qulimiguulimmik annaassiniummik Svalbardimeersumit aaneqarput. Tamanna pivoq Kalaallit Nunaata avannamut isuata eqqaani qeqertami Lockwoodimiit ajunaalernermut kalerrisaarinerisa kingorna. Taamatut ilisimatitsivoq knr.gl.
Ilisimasassarsiornermut peqataasut taakku marluk ajunaalernermut kalerrisaarummik nassiupput, aappaata - danskeq nakorsaq - inalugaaqqaminik annialersimanera pissutigalugu. Svalbardimi uninngariarluni ippassaq arfninngornikkut Norgep avannaani Tromsømut napparsimavimmut ingerlanneqaqqippoq.
Norgemiut qulimiguuliat annaassiniut Kangerlussuarmi Flyveredningstjenestenimit pissarsiarineqarpoq, qulimiguullip tamaaniittup qallunaat marluk annaanniaraluarlugit uniinnartariaqarsimanera pissutigalugu.