Skip to main content

Tuapannguani nappaanersiorneq

Illorsuarmut 2-mut 1. juli nutsertoqassaaq.

Nuummi Tuapannguani illorsuit sapanngatut nuisatut tulleriiaarlutik inissisimapput.

Illorsuaq1 marsip aallaqqaataani inunippoq. Illorsuaq 2 juulip aallaqqaataani nutserfigineqarnissaminut piariissaaq. Illorsuaq 3-mullu matuersaatit tunniunneqassapput decemberip aallaqqaataani. Kingornatigullu illorsuarnut 4-mut, 5-imut, 6-imut aamma 7-mut. Illorsuit tamarmik immikkut 30-nik inissiaqarpoq, Tuapannguanilu illorsuit tamakkerlugit katillugu 210-nik inissiaqassaaq.

Uani sapaatit akunnerisa naaneranni illorsuit 1-4-nut nappaanersiortoqarpoq, sanaartortorlu neriorsuivoq illorsuit 5-7 aamma nappaanersiorneqarumaartut.

Kingulliit illorsuarmut 7-mut nuuttussat maajip aallaqqaataani 2011-mi isertissapput, taamaalilluni sanaartortitsineq oqallisaasimaqisoq naammassissaaq.

Ineqarnermut naalakkersuisuusimasoq, Jørgen Wæver Johansen, Siumut, blok T piiarnagu iluarsartuunneqarnissaanik akisusimaqisumik aalajangiisimanermini misilittakkat aallaavigalugit aalajangerpoq illorsuit Q, R aamma S piiarneqassasut taarsiullugulu inissianik sanaartortitsisoqassasoq SIK-p isumaqatigiissutai malillugit aningaasarsialinnit akilerneqarsinnaasunik.

Taamatulli pisoqanngilaq, Illuutinut Upalungaarsimanermullu Aqutsisoqarfimmi psiortap Olafur P. Nielsenip sermitsiaq.gl -imut oqarpoq illorsuit kingulliit sisamat namminersortuni atorfilinnut inissiaatigineqalissagunartut.

Sanaartornermik suliaqartumut Permagreen A/S-imut Tuapannguani illorsuit arfineq marluk, Nuummi illussanik titartaasartoqatigiinnit Clement & Carlsenimit titartarneqartut, sanaartornerat pissanganartuuvoq unamminartuullunilu.

– Illorsuit arfineq marluk sanaartorpagut suliassaq tamakkerlugu 300 millionit koruuninik akeqartoq, pisortaq Preben Kold Larsen sermitsiaq.gl -imut oqarpoq.

Suliassaq aatsaat taama annertutigisoq Permagreenip naammassissavaa, agguaqatigiissillugulu sulisartut 50-it sanaartortitsivimmi sulisorineqartarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER