Skip to main content

MIPI-mi siulittaasoq tunuarpoq

Meeqqat inuussuttullu pillugit ilisimasaqarfimmi siulersuisuni siulittaasoq, Naaja Hjelholt Nathanielsen, Inatsisartunut qinigaanini pissutigalugu siulittaasuunerminit tunuarpoq.

Naaja Hjelholdt Nathanielsen MIPI-mi siulersuisuni 2003-miilli ilaasortasimavoq, 2007-imiillu siulittaasuusimalluni.

- MIPI-p ineriartortitaasimaneranut aallaqqaataaniilli peqataasimalluni pissanganarsimaqaaq uanga angusarisat, amerlasuunut nuannaarutaasimasut tulluusimaarutigaakkat, Naaja Hjelholt Nathanielsen oqarpoq.

Naaja Hjelholt Nathanielsen MIPI-p ukiut ingerlaneranni ingerlatarisarsimasaanut meeqqat inuussuttullu pillugit ilisimasaqarluarnermigut iluaqutaalluartarsimavoq. Ilisimasat pinngitsoorneqarsinnaanngitsut siulersuisut oqallittarnerpassuinut aalajangiisarnerinullu annertuumik sunniuteqarsimasut, angusarissaartitsisuusarsimasullu nunatsinnilu inuit atugarisaat pillugit pitsaasumik kinguneqarluartumillu oqallittarnernut tunngaviliisarsimasut.

Naaja Hjelholt Nathanielsenip taartissaa Nunatta Atuagaateqarfianit siunnersuutigineqartussaavoq, Naalakkersuiisunngorumaartullu siunnersuut akuerisassaralugu. Tamatumalu kingorna siulersuisut inissitsiteqqittussaassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER