Skip to main content

Ga-p qinersinerup inernera nuannaarutigaa

Kalaallit Nunaanni Sulisitsisut Peqatigiiffiata qilanaaraa inatsisartut aamma naalakkersuisut ilinniartitaanerni ajornartorsiunik, napparsimaveqarfimmik kiisalu inuttut atugarisat assigiinnginnerujussuinik iluarsineqanngitsunik, sivisuallaamillu uninngatiinnarneqarsimasunik iluarsiinissaat qilanaaraa.

87173 Ga-p qinersinerup inernera nuannaarutigaa

Kalaallit Nunaanni Sulisitsisut Peqatigiiffiata erinisuutigaa inatsisartut aamma naalakkersuisut ilinniartitaanerni ajornartorsiutinik, napparsimaveqarfimmi kiisalu inuttut atugarisat assigiinnginnerujussuinik iluarsineqanngitsunik, sivisuallaamillu uninngatiinnarneqarsimasunik iluarsiinissaat qilanaaralugu.

Kalaallit Nunaanni Sulisitsisut Peqatigiiffiata qineqqusaarnerup nalaani ileqquni malillugu aalajangiusimasimavaa, partiit imaluunniit inuit aalajangersimasut tapersersorniarnagit inassutiginiarnagillu. Taamaakkaluartoq uagut kalaallit erfalasuat aalaterutigalugu inatsisartunut qinersinerup inernerani pilluaqquserusuppugut, nittartakkaminni ga.gl-imi allapput.

Taamaaliornerminnut tunngavilersuutigisaat tassaapput:

1) Qinersineq killilersorneqanngitsoq tamatigut nuannaarutissaavoq, tamatumammi assortorneqarsinnaanngitsumik ersersimmagu pisinnaatitaaffivut nunarsuarmi kiffaanngissuseqarneq aamma demokrati tamanut atuuttanngimmat.

2) Juunip aappaani qinersisoqarnerani ukiuni 30-ni partiip politikkia kisermaassisimasoq kipisinneqarpoq, tamannalu namminermi inatsisartoqarnikkut pingaarutilimmik nutaanngorsaataasinnaavoq.

3) Qinersinerup kinguneraa politikerit kinguaariit nutaat sulillutik atorluareersimasut, namminersornerulerneq eqqunneqarmalli aalajangiinernut tamanut sunniuteqarsimasut, paarlassinnaammatigit.

4) Qinersinerup inernerata ersersippaa politikerit, nunaminnik pingaartitsisut piviusunik takunnissinnaasut aamma nunarsuaq tammakkerlugu eqqarsaatigalugu isiginnissinnaanermik pigisaqartut, taakkuninnga ataatsimoortitsillutik pigisallit siornatigumut naleqqiullugu oqallinneq annertunerusumik akuuffigisinnaavaat.

"Kalaallit Nunaata unammilligassarpassui eqqarsaatigalugit taava uagut aatsaat taamak pisariaqartitsitigilerpugut politikerinik, piviusut aallaavigalugit tulleriaarisinnaasunik aamma piffissaq ungasissoq eqqarsaatigalugu pilersaarusiorsinnaasunik. Aammalu malugalugu inuiaqatigiit nunarsuarmut avammut aammaallugit imminut mattutiinnarnani."

GA-p inatsisartut aamma naalakkersuisut ajornartorsiutinik sivisuallaamik uninngatiinnarneqarsimasunik iluarsiinissaq erinisuutigaa. Ilinniartitaanerni napparsimaveqarfimmi kiisalu inuttut atugarisat assigiinnginnerujussui pineqartut tassaapput pisariaqarluinnartut. GA-p inassutigerusuppaa sullisit ateriarluagit sulisoqarnissaa, tassa isumagalugu oqaloqatigiinnissaq aamma suleqatigiinnissaq akerartuuterusaarnermik allallu oqartussaatinnagit politikkeqarnermit pitsaanerummat.

"Maannakkut pingaaruteqarpoq politikikkut akersuunnerit unitsikkallarneqarnissaat kiisalu qitiutillugu katersuutitsineq – avissaartuuttitsineq pinnagu. Tamanna innuttaasut tamat akornanni oqariartuutaassaaq pingaarutilik, tassa piffiit nutaat aggersut."

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER