Skip to main content

Suli isumaqatigiinniarput

Air Greenland timmisartumilu sulisut Isumaqatigiissitsiniartarfimmi sisamnngornermi ualikkut naapereerlutik isumaqatigiissut nutaaq suli isumaqatigiinniutigaat.

Taamatut paasissutissiivoq suliffeqarfissuup nittarsaanermut pisortaa Jesper Kunuk Egede, maanna Air Greenlandimi tusagassiorfinnut attaveqartuusoq. Isumaqatigiinniarnerup ingerlarnga pillugu annertunerusumik paasissutissiisinnaanngilaq.

Isumaqatigiissitsiniartarfimmi, Københavnimiittumi, isumaqatigiissitsiniartartut siulittaasuata, højesteretsdommer Asbjørn Jensenip, illua'tungeriit isumaqatigiissummik nutaamik isumaqatigiissinniarsarai.

Isumaqatigiissuteqartoqanngippat suilumajunnaartoqarlunilu sulisunik mattussineq piviusunngorrsinnaapput.

Timmisartumi sulisut kattuffiat Air Greenland Cabin Union (ACU) kattuffillu Dansk Funktionærtforbund ataasinngornermi juunip 15-iannit suliumajunnaartoqarnissaa ilimasaarutigaat. Air Greenland akisilluni sulisut tamakkua juunip 19-ianniit mattunniarpai.

Isumaqatigiinniarnerit piffissami sivisujaami ingerlanneqarsimapput, isumaqatigiissutip maanna atuuttup maajip 31-ianni naanerata kingorna.

Isumaqatigiissitsiniartartup suliumajunnaarnissaq/mattussinissaq siullermik ulluni 14-ini kinguartissinnaavaa.

Isumaqatigiissummik nutaamik isumaqatigiinniarnermut atatillugu illua'tungeriit suna aaqqiagiinngissutigineraat suli nalorninartoqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER