Meeqqanut inneruulat
Nuuk Kunstmuseumimi saqqummersitsinerup ammarneqarnerani qallunaap/canadamiup eqqumiitsuliortup Mette Bakerip inneruulanik qalipagaq ornittakkamut "Mælkebøtten"-imut tunniuppaa.
- Ukiualunnguit matuma siornatigut tusarpara meeqqat inuusuttullu illuat, "Mælkebøtten"-imik atilik aallartinneqarsimasoq. Qalipakkanik eqqumiitsuliortartut ikittunnguit ilagiguarnaannga inneruulanik qalipaanissamik nuannarisallit, taavalu eqqarsarpunga: Inneruulamik angisuumik kusanartumik inuusuttut qalipaassuttariaqarpakka, eqqumiitsuliortoq sermitsiaq.gl-imut oqarpoq.
Qalipakkamik tunniussiniarnera qujarunneqarpoq, kinguninngualu Nuuk Kunstmuseumip eqqumiitsuliortoq qaaqquaa qalipakkaminik annertunerusumik saqqummersitseqqullugu.
Qalipakkanik eqqumiitsuliat 32-t sanasimavai, siullerpaamik naasunik qalipakkat, aammattaarli ilaqarput eqqumiitsuliortup taasaatut "eqqaamasanik assilialianik". Qalipakkat, Kalaallit Nunaannit angalasarnernit eqqaamasaq misigisallu malillugit qalipanneqarsimasut.
Saqqummersitsinerup ammarnersiorneqarnerani inneruulanik qalipagaq uleerneqarpoq Kirsten Ørgaardimullu, "Mælkebøtten"-imi forstanderimut, tunniunneqarluni.
Saqqummersitat juulip 15-iata tungaanut takuniarneqarsinnaapput.