Skip to main content

Upernaakkut saliineq

Nutartigaq: Blokkit eqqaanni saliinermi Nuummi INI najugaqartunit ikiorneqarpoq.

- Ingerlalluarsimaqaaq. Inuit 175-it missaanniittut saliinermi peqataapput, Ulf Abrahamsen, Nuummi INI-mi attartortitsinermut pisortaq, oqarpoq.

Saliinermi najugaqartut peqataatikkumallugit INI-p qaammammut ataatsimut ineqarnermut akiliut akissarsiassaritissimavaa, Qapiarfiusaamilu ajugaavoq Martha Fisker, blok 11-mi najugalik.

Nuussuarmi ajugaasuuvoq Irene Heilmann, Narsarsuarmilu Sabine Heilmann.

Upernaakkut saliisoqarpoq Nuussuarmi, Narsarsuarmi Qapiarfiusaamilu, eqqagassallu kiilut untritillit arlallit katersorneqarput.

- Immikkoortoqarfimmi siulersuisut (najugaqartut peqatigiiffii, aaqqiss.) ataasiakkaat saliineq namminneq aaqqissuussimavaat. Ajoraluartumik Nuussuarmi siulersuisoqanngilaq, taamaattumik taakkua ikinnerpaajupput, maannali aallartissimapput, Ulf Abrahamsen oqarpoq.

Blok 12-ip 13-illu saavanni pinnguartarfiup eqqaa eqqiluingaarami soorlu illoqarfiup avataaniilluni. Pinngortitaq minguitsoq illoqarfiup qeqqani.

- Ukiuni siuliini suliarinnittussarsiuunneqartarsimavoq, ukioq mannali aalajangersimavugut nammineerluta saliiniarluta. Maajip naalernerani aallartippugut, ullumilu finalitupajaaq ippoq, Ulf Abrahamsen sermitsiaq.gl-imut oqarpoq.

- Sulili ilaqarput suli salinneqarsimanngitsunik, taamaattumik sapaatip akunnerani tullermi saliineq nangeqqissavarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER