Skip to main content

Nuummi saliinissaarsuaq

Nuummi INI-p inissiaataani ineqartut ullormi ataatsimi saleeqatigeersuassapput, INImit neriorsuutigineqarpoq akissarsiaq anneq qaammammi ataatsimi inigisamut akiliinnginnissaq.

Inissiani Nuummi INImit aqunneqartuni maannakkut INI aallartereerpoq ineqarfiit immikkoortortaqarfiini upernarnerani annertuumik eqqiaalluni kiisalu queqarfinni iluarsaassisoqarluni.

Misilittakkani naapertorlugit INIp ilisimavaa arlaanni ataasiakkaani kingulliit angisuullu piginnittunit piinngitsuugaqartoqartarnera, taamaattumik arfininngornermi 13. juuni 2009 dronningip Nuummut tikinnginnerani illoqarfimmik saligaatsuutitserusuttunut ineqartunut tamanut ataatsimut saliisitsisoqassaaq.

Ineqartunut INI angisuunik eqqugassaqartitsiniarpoq:

Eqqugassaq annerpaaq tassa ineqarfinni immikkoortortani tamani inoqutigiinnut ataatsinut qaammammi ataatsimi inimut akiliisitsinnginnissaq. Taamatut eqquisinnaasoqassappat inoqutigiinni ikinnerpaamik ataaseq arlaat eqqiaanissamut ilannguttariaqarpoq aqqa, najugaqarfia INIp nalunaarsuiffianut ilanngunneqarsimasoq kiisalu mobiliata normua ilanngullugit ineqarfinni immikkoortortamut nalunaarutigineqareersimassapput kingusinnerpaamik tallimanngornermi 12. juuni 2009 nal. 13.00.

Nuussuarmi, ineqarfimmi 161-imiittunut, nalunaarfissaavoq ineqarfimmik nakkutiliisoq Pavia Kristensen, Nuussuarmi allaffimmut ulluinnarni nal. 12-13, imaluunniit mobil normu 55 36 16-imut sianerluni, e-mailikkut pkr@ini.gl -imut.

Ulloq INImut atorneqartoq aamma nuannersumik ataatsimuualaarnermut grillikkanillu tamussersornermut atorneqassaaq, pisarnertut ineqarfinni immikkoortortaqarfinnit aaqqissorneqartoq.

Nuummi INIp ineqarfinni immikkoortortat pingasut ingerlatarai:

Nuussuarmi ineqarnermi immikkoortortaq 161, Ineqarnermi immikkoortortaq 163 H.J. Rinksvejimiittoq, Kongevejiittoq, Noorlernut aamma Tuapannguaniittoq kiisalu Ineqarnermi immikkoortortaq165 Qapiarfiusaamiittoq. Immikkoortortaqarfiit 163 aamma 165 immikkoortortarfimmi siuleruisunik qinersereerput, kisianni immikkoortortaqarfik 161 suli taamatut iliunngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER