Siullerpaat
TNI Basisår-imi ilinniartut siulliit ilinniakkaminnik naammassinnipput.
2008-mi aggustimi Nuummi Niuernermik Ilinniarfimmi ilinniagaqarfik nutaaq, TNI Basisår-imik taaneqartoq, aallartinneqarpoq, ilinniartullu tallimat tallimanngormat soraarummeerput.
TNI Basisår-imik ilinniagaqarneq TNI-mi ilinniagaqarfittut nalinginnaasutut imaqarpoq, imatulli sananeqaateqarluni, ilinniartut ukioq ataaseq ilinniarfimmi aallartittarlutik, kingorna ukioq ataaseq praktikkerlutik. Taavalu ukiuni tulliuttuni marlunni ilinniarfiup praktikkerfiullu akornanni uteqattaarlutik. Maannalu ukioq ataaseq praktikkissapput.
Ilinniartut tallimat tassaapput: Niviâluk Schmidt, Paneeraq Motzfeldt, Tina Egede aamma Nana Kleist. Arnatsiaq Høyer assimi amigaataavoq.
Arfineq-pingasoriarlutik soraarummeernermik saniatigut ilinniartut ukiup ingerlanerani ilaatigut inatsisartut qinersisartunik ataatsimiititsinerat aaqqissuussimavaat, Nuummi kollegiaqarnikkut pissutsit nutaarsiassaliuussimallugit, AIDS-ip ullua aaqqissuussimallugu aammalu aviisi avatangiisinik oqallissaarut, assersuutigalugu nunarsuup kiatsikkiartornera pillugu, saqqummersitsisimallutik.