Hans Ø takornariaruk
Qeqertaarannguaq anoritoqisoq Hans Ø, Kalaallit Nunaata/Danmarkip aamma Canadap piginiarlugu pilerngutaat, maannakkut takornarianut pilerisaarutigineqarpoq.
Annonce
Qallunaat angalatitsiviat Albatros Travel immikkut angalanissamik M/S Ocean Novamut ilaalluni Kalaallit Nunaata avannaanut neqerooruteqarpoq, ag.gl allappoq.
- Issittup sikua Thulep eqqaaniittoq sineriak sinerlugu aasap naajartulernerani Canadap tungaanut ingerlaartarpoq, tamannalu periarfissiivoq nalissaqanngitsumik nunarsuarmi inoqarfiit avannarpasinnerpaartaannut angalaarnissamik - aamma imaassinnaavoq ingerlaqqilluni Hans Ø tikinneqartoq", Albatros Travel aviisimi pilerisaarummi ilaatigut allappoq.
Kangerlussuarmiit aggustip 21-ani aallartoqassaaq. Danmarkimeeraanni ullut 14-it angalaneq akeqarpoq 32.990 koruunit.