Skip to main content

Mary aamma Sermersooq suleqatigiinniarput

Kronprinsesse Mary aamma Kommuneqarfik Sermersuumi borgmesteri Asii Chemnitz Narup tallimanngorpat naapissapput suleqatigiiffigisinnaasatik eqqartussallugit.

Kronprinsesse Mary aamma borgmester Asii Chemnitz Narup tallimanngorpat 19. juuni ualikkut naapissapput paasissutissanik paarlaateqatigiinniarlutik kiisalu Mary Fondenip aamma Kommuneqarfik Sermersuup suleqatigiiffigisinnaasanik periarfissat oqaluuseriniarlugit. Sermersooq.gl allappoq.

Kronprinsesse Mary Kalaallit Nunaanut tikissaaq aningaasaateqarfinni, Mary Fonden sinnerlugu ataatsimeqateqartarniarluni kiisalu peqatigiiffiit aamma suliffeqarfiit piumassutsiminnik meeqqanik sullissut workshopsinik ingerlateqatiginiarlugit.

Aningaasaateqarfik suliniuteqarpoq arnanut persuttartinnermik eqqugaasimasnut aamma meeqqanut qinngasaartinnermik eqqugaasimasunut tunngasunik.

Kronprinsesse Mary Nuummi qimarnguimmut arfininngorpat pulaassaaq.

- Uagut tikeraarnissatsinni siunertaasut pingaarnerusut tassaapput maannakkut suliat ingerlatatta nangeqqinnissaat kiisalu iliuuseqarfigisatsinni marluusuni 'angerlarsimaffinni persuttaaneq' kiisalu 'qinngasaarisarneq aamma toqqissisimaneq' taakkunani ingerlatsisut amerlasuut pingaaruteqartut nutaamik isummersoqatigiinnissaat. Pingaaruteqartorujussuuvoq uagut aallartitatta sumiiffinni tulluarsarneqarnissaat kalaallit kulturiannut, aaqqissuusseriaasiannut aamma oqaatsinut tunngatillugu, Kronprinsesse Mary tikeraarnissani nalunaarutigigamiuk oqarpoq.

Borgmester Asii Chemnitz Narupip Kronprinsesse Mary aamma Mary Fondenimi sulisui tallimanngorpat ataatsimeereernerup kingorna Hotel Hans Egedemut nerinissamut qaaqquvai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER