Skip to main content

Atuakkiorfik matulerpoq

Atuakkiorfik, siornatigut Kalaallit Nunaanni Naqiterisitsisarfiusoq, atuutilernerminiit ukiut 53-it qaangiuttullu juulip naanerani matussaaq.

Atuakkiorfik, siornatigut Kalaallit Nunaanni Naqiterisitsisarfiusoq, ukiut 53-ini ingerlareerluni, juuli naappat matussaaq, taamatut allappoq knr.gl. Atuakkiorfik ullumikkut atuakkianik saqqummersitanik assigiinngitsunik 1.300-nik pigisaqarpoq Nukâraq Eugeniusillu kiap arlaata, namminersornerusuunissaat neriuutigalugu, saqqummersitsinissamut piginnaatitsissut aamma piginnittussaanermut pisussaaffiit akisussaaffigilissagaat neriuutigaa kalaallit atuakkiaat eriaginartut naqiterteqqinneqarsinnaaniassammata.

Kialli pisussaaffiit tamakku akisussaaffigilissavai atuakkiorfik matuppat, Nukâraq Eugenius aperaarput?

- Kalaallisut atuakkiat tamangajaaviisa pigaagut. Mathias Storchip atuakkiaa "Sinnattugaq - kalaallisut atuakkiat siullersaat. Ole Brandtip ilaqutariit pillugit atuakkiai "Qooqa" aamma "Tulluartoq". Frederik Nielsenip atuakkiai tulleriit pingasut. Hans Lyngep "Ersinngitsup piumasaa". Tamakku qulequttat ilaannaraat kingulissatsinnit pigineqartuaannarnissaat eqqarsaatigalugu Kalaallit Nunaata qulakkeerniartariaqagai, oqarpoq.

Nukâraq Eugeniusip taamaattumik neriuutigaa Namminersornerusut kalaallisut atuakkiat pisoqqat akisussaaffigilissagaat, taamaalillutik pisussaaffiit annaaneqannginniassammata.

Naqiterisitsisarfik siorna 15. juuni tusagassiuutitigut nalunaarpoq, ilimanarsinnaasoq ukiumi tulliuttumi matusariaqarlutik aningaasatigut pisariaqartitaminnik tapiiffigineqanngikkunik. Atuakkiorfiup aamma naalakkersuisut siulittaasuat Hans Enoksen marlussoriarlugu ataatsimeeqatigaa. Ataatsimeeqatiginninnerit siunissaq pillugu neriuuteqalersitsigaluarput, kisianni inatsisartunut qinersinissaq saqqummiunneqarmat suut tamarmik unipput.

- Isumaqarpunga naalakkersuisunngortut nutaat naqiterisitsinissamut pisussaaffiit nunani allani naqiterisitsisarfinnut tuninissaat akuerinavianngikkaat. Soorunannalimi naqiterisitsisarfik soqutiginnittunut tunerusussinnaavarput. Arlaannik pisoqanngippat taava annaassavarput, Nukâraq Eugenius oqarpoq.

Naqiterisitsisarfiup saqqummersitaa kingullerpaaq tassaassaaq atuagaq kalaallisuuliorneq pillugu ilitsersuusiaq, tamannalu tallimanngornermi 19. juuni saqqummersinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER