Inuiattut Ullorsiornissamut Odensemi piareerput
Sapaatiuppat Kalaallit Illuat nalliuttorsiorfiussaaq.
– Pilersaarutit tamaasa piareereerpavut taamaallaat sapaatiunissaa utaqqivarput, Odensemi Kalaallit Illuani kulterikkut suleqataasoq Annette Lyberth, sermitsiaq.gl-imut oqarpoq.
Nalliuttorsiornerit aallatissapput nal. 09.30 erfalasup amuneqassalluni, erinarsoqatigiit tussiassapput aamma tussiaqatigiittoqassaaq. Nal. 10.00 brunchitortitsisoqassaaq tamatuma kingorna Odense Rådhusimut ilaseqatigiittoqarnissaanut ingerlaartoqassaaq, tassani Odense Universitetimi rektori Jens Oddershede oqalugiassaaq aamma Ivalu Egede Martinsen, kalaallit ilinnigaqartut sinnissaatut oqarlugiassalluni.
ALLAASERISAQ ATUARUK: Om en uge er der fest
Annette Lyberthip nuannaarutigaa aaju, Christian Olsen nal. 14.00 saqqummersitsinerminik aammassaammat taaguuteqartumik »Kinguaarit«. Saqqummersitsinermigut aajup takutinniarpaa kinguaariit utoqqaanerit maannakkut kinguaariinnut inuusunnernut kingornussitsitsinerat. Saqqummersitsinermi Aajup suliani 21-t saqqummersippai amerlassusiini ilisarnaataavoq Inuiattut Ullorsiornerup 21-ani pisarnera. aajup Kalaallit Illuanni saqqummersitsisarfimmi inissaqassuseq tunngavigalugu qalipakkami angissusiat naammattusaarsimavaa. aajup aamma suliarisimasaa allat ulluni makkunani saqqummersinneqassaaq tassa taalliat prins Henriup allassimasaasa aajumit nutserneqarneri saqqummissapput, kisianni Inuiattut Ullorsiornermi Odensemiinniarpoq.
– Uanga naatsorsuutigaara inuit 100-t missaanniittut takunnissaat Annette Lyberth naggasiivoq, takuttullu naatsorsuutigisinnaavaat nuannisaarnissartik Carl Lynge supputaasaminik tusarnaartitsilerpat.
ALLAASERISAQ ATUARUK: Paamiut klar til selvstyret