Danmarkimi ulloq sammisaqarfik Maliinap taperserpaa

Piumassutsiminnik rådi ullumi tallimanngornermi Københavnimi Kalaallit Illuutaanni katersuutissapput. Tamanna pissaaq suleqatigiinnikkut attaveqarfinnik pilersitsiniarluni suliniutinillu nutaanik misissuiniarlutik kalaallinut inuiaqatigiinnut iluaqutaasunik.

Kalaallit Danmarkimiittut 10.000-it missaanniipput, tamakkualu ilarpassui peqatigiiffinni piumassutsiminnik ingerlatsisuni ilaasortaapput. Tamakkkua Kalaallit Nunaata Danmarkillu akornanni ataqatigiissaarisuupput ilisimasanillu siammarsaasuullutik. Nukiit, Maliina Abelsenip pingaartilluagai. Ass.: Jørgen Chemnitz.

- Pingaartippara suliniutit iliuutsillu ilisimasanik misilittakkanillu tunngaveqarnissaat, taamaattumik nuannaarutigaara Kalaallit Nunaanni takusimagatsigu inuiaqatigiit pigissaartut nukittoriartortut, ingerlatsivillit arlalinnik, isumaginninnermi pissutsinik suliniuteqartunik.

Taamatut oqarpoq Maliina Abelsen, ilaqutariinnut naalakkersuisoq, tallimanngornermat Københavnimi Kalaallit Illuutaanni ullormi sammisaqarfimmi peqataasunut tusagassiorfitsigut nalunaarummini.

Tasssani Piumassutsiminnik rådi ullormut sammisaqarfimmut qaaqqusisimavoq, Kalaallit Nunaanni inuiaqatigiinni pigissaartuni periarfissanut aporfissanullu isumaliutit saqqummiunneqarlutik.

Bedre Børneliv panelimilu oqallinneq qulequtaralugu: Qanoq isilluni inuiaqatigiit pigissaartut?, tamatumani ilaatigut peqataallutik Lars Rene Petersen, Center for Socialøkonomi-mi pisortaq, aammalu Michael Binzer, Air Greenlandimi pisortaq Dorrit Hermannilu, Red Barnetimi pilersaarusiornermut ataqatigiissaarisoq.

Powered by Labrador CMS