Holdit aappaat piareerput
Portørinngortut holdit aappassaat tallimanngormat allagartartaallutik naammassipput. Akornaniippoq arnani siullersaasoq.
Kalaallit Nunaat portørimik arnamik siullerpaamik ullumikkut sulisortaarpoq. Tamanna pivoq portøritut annaassiniartartut holdit aappassaat tallimanngormat portøritut allagartartaarlutik naammassimmata.
Ilinniarneq Peqqissaanermik Ilinniarfimmi Nuummiittumi ingerlanneqarpoq, Dansk præhospitaluddannelsescenter Silkeborgimeersoq suleqatigalugu.
Portørit annaassiniartartut holdit siulliit "præhospitaluddannelse"-mik angusisut 2008-mi oktobarip 24-ani allagartartaarpput.