Affaat Inatsisartunut qinigassanngortipput

Inatsisartunut qinersinissap kommunimi qinikkat noqippai. Kommuneqarfik Sermersuumi qinikkanit 21-usunit 11-t inatsisartunut qinigassanngortipput.

Foto: Leiff Josefsen

Kommuneqarfik Sermersuumi kommunalbestyrelsimi ilaasortanit 21-iusunit 11-t inatsisartunut qinigassappata suliassaqassaqaaq.

Sermersooq.gl-ip ilisimatitsissutigaa kommunalbestyrelsimut qinikkat 11-t inatsisartunut qinersinissami qinigassanngortittut.

Inuit Ataqatigiinniit pingasut, Ove Karl Berthelsen, Emilie Kunnak aamma Harald Bianco. Demokraatit sinnerlugit ilaasortaasut sisamaasut tamarmik, Astrid Fleischer Rex, Poul Hansen, Jusutsu Hansen aamma Jens B. Frederiksen. Emilie Olsen Atassummeersoq kiisalu Siumumiit pingasut, Martha Abelsen, Doris Jakobsen aamma Andersine Hansen Kristiansen.

Taakkua saniatigut naalakkersuisunut ilaasortaq Per Berthelsen kommunalbestyrelsimiit sulinngiffeqarpoq.

Powered by Labrador CMS