Skip to main content

Amerika Avannarleq eqqugaanerpaassaaq

Sikuiuitsup Kujalliup kitaatungaani siku sermersuaqarfinni angisuuni unerisimannginnerpaajuvoq. Sermersuaqarfiillu aappata USA-p sineriai eqqugaanerpaassapput.

Nunarsuup isuini sermersuit aassappata annertunerpaamik Amerikap Avannarliup sineriai eqqugaassapput.

Taamatut siulittuivoq Tuluit Nunaanni Bristols Universitetimi ilisimatusartoq, taassuma suleqatini arlallit peqatigalugit Sikuiuitsup Kujalliup kitaani sermip aassinnaanerata kingunerisassai misissorsimavaat, politiken.dk allappoq.

Sikuiuitsup Kujalliup kangiata tungaani sermersuaq aamma Kalaallit Nunaanni sermersuaq qaqqamut tunngaveqarput, Sikuiuitsulli Kujalliup kitaani sermeq allaannerulluni qaqqami immap naqqani tunngaveqarpoq. Ilisimatusarlutillu misissuisut isumaat malillugu tamanna unerisimannginneranut pissutaaqataavoq. Sermersuit taamak annertutigisut aassappata tamatuma kingunerissavaa annikinngitsumik imat qaffannerat.

Professor Jonathan Bamber isumaqarpoq sermersuit aakkiartornerat, manna tikillugu ilimagisimasamiit, sivisunerujussuussasoq kiisalu kingunissai ajorpallaarujussuarnavianngitsut.

Kisianni imaappat - imaluunniit imaalerpat - Sikuiuitsup Kujalliup kitaata sermersua aattoq, taava nunarsuarmi imarpiit qaffannerannik kinguneqassaaq. Tamatumalu kingunissaa aamma tassaassaaq immap sumiiffinni assigiinngitsuni qaffasissusiata allanngornera.

Amerikami Avannarlermi illoqarfiit sineriammiittut nalorninartorsiorfimmiipput. Amerikarmiut aamma Canadamiut ingammik tamatuma kinguneranik eqqugaassapput. Ilisimatusarlutik misissuisut Sikuiuitsup Kujalliup kitaata sermersuanik misissueqqissaarnertik atuagassiami Sciencemi saqqummiuppaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER