Nuummi amisut
Namminersorneq Nuummi illoqannginnersaqalissaaq. Bronzemik qiperugaq "Amisut" pisuinnaat aqquserngannut Imanermut inissinneqassaaq.
Sapaammi junip 21-ianni namminersornerup eqqunneqarnera Nuup nalliussissavaa pisuinnaat aqqusernganni Imanermi (Skibshavnsvejitoqaq) illoqannginnersamik nutaamik ammaanikkut. Borgmester Asii Chemnitz Narup marlunngormat Kommuneqarfik Sermersuumi kommunalbestyrelsip ataatsimiinnerani namminersornerup illoqannginnersaanik isumassarsiamut taperserneqarpoq.
– Namminersornerup eqqunneqarnera Kalaallit Nunaata oqaluttuarineqarnerani pisoq ima pingaaruteqartigaaq kalaallit eqqumiitsuliaannik pinnersarsimasumik katersuuttarfimmik peqartittariaqarlutigu, Asii Chemnitz Narup Nuuk Ugeavisimut oqarpoq.
Illoqannginnersamut nutaamut takussutissat siullersarissavaat bronzemik qiperugaq "Amisut" tassunga inissinneqarnera, taannalu eqqumiitsuliortumit Naja Rosing-Asvidimit sananeqarsimavoq.