Nunaqarfinni ineriartorneq pilertornerulersillugu
Kommune Kujalleq nunaqarfinnut siunnersortitut atorfimmik pilersitsivoq.
Nunaqarfinnut siunnersortip suliassaa tassaavoq kommunimi nunaqarfinni arfineq marluusuni inuussutissarsiutitigut ineriartorneq siuarsassallugu kiisalu nunaqarfiit suliffinnik pilersitsiortornermik aamma ineriartortitsinermik ikiorlugit.
Atorfik pineqartoq nutaajuvoq, kisiaanni atorfik pilersinneqarpoq Inuussutissarsiutinut aamma suliffissaqartitsiniarnermut ingerlatsivimmi atorfinni pioreersuni allanngortitsinikkut, kiommuni ilisimatitsivoq.
Atorfik Narsami inissinneqassaaq, kisianni pilersaarutaavoq nunaqarfinnut siunnersortip nunaqarfinniittarnissaa kiisalu nunaqarfinni aqutsisut aamma inuttaasut inuussutissarsiutinik piviusumik pilersitsiniarneranni ikiortassavai taamatuttaarlu aalisartut aamma piniartut ikiorsertassallugit.
- Kommune Kujaallermi nunaqarfitta ineriartortinnissaat annertuumik pingaartipparput. Taamaattumik uagut assut nuannaarutigaarput atorfiup taassuma pilersinnissaa iluatsillugulu periarfissaqaleratta. Nunaqarfitta ilaat annertuumik suliffissaaleqinermik nalaataqarput, taamaattumillu nutaanik iliuuseqarnissamut ikiorneqarnissaminnik pisariaqartitsillutik, borgmester Simon Simonsen oqarpoq.