Skip to main content

Oqaloqatiginnittartunngortut

Neriuffik oqaloqatiginnittartussanik 18-inik kujataani Narsamiit avannamut Upernavik ilanngullugu pikkorissartitseqqammerput.

Pikkorissartitsineq pimoorussamik ingerlanneqarpoq nal. akunnerini 18-ini ilinniartitsineq aamma sungiusarneq ulluni marlunni ingerlanneqarluni. Pikkorissarneq Aasianni Sømandhjemmip pikkorissartitsisarfiani ingerlanneqarpoq. Ilinniartitsinermik ingerlatsisuuvoq Eva Ethelberg Danmarkimi Kræftens Bekæmpelse-meersoq.

Oqaloqatiginninnartussanik nutaanik pikkorissartitsineq qulissaanik ingerlanneqarpoq, siusinnerusukkut taamaattut illoqarfinni makkunani ingerlanneqarsimapput: Nuuk, Uummannaq, Ilulissat, Sisimiut, Narsarsuaq, Tasiilaq aamma Aasiaat. Maannakku pikkorissarnermut peqataasut 18-iupput illoqarfinnit nunaqarfinnillu amerlasuuneersuullutik - Upernavimmiit Narsaq tikillugu.

Uani peqataasut ilanngullugit, tamarmik pikkorissarneq naammassivaat, taava oqaloqatiginnittartutut ilinniarsimasut 100-t missaat Kalaallit Nunaat tamakkerlugu siaruarsimasut ilinniartippagut. Taamaattorli maannakkut ingerlasut ikinnerupput, tassa ilaat utoqqalinertik pissutigalugu unittaramik, Neriuffiup siulittaasua Johanne Olsen oqaluttuarpoq.

- Ullumikkut oqaloqatiginnittartut pisariaqartinneqarnerulersimapput. Ilaatigut peqqutaavoq kræftimik nappaatillit amerlasuut maannakkut SANA-mi Nuummi kemortitalernerat Københavnimut Rigshospitalimut taarsiullugu, Johanne Olsen oqarpoq.

Oqaloqatiginnittartut kræftimik nappaatilinnik aamma taakku qanigisaannik tarnikkut aamma inuttut ajornartorsiutit, kræftimik napaateqalersimanerup nassatarisinnaasa pillugit oqaloqatiginnittarnissaminnut ilinniartinneqartarput. Tamatuma saniatigut isumagittoqarfinni aamma napparsimaveqarfimmi sulisunut attaveqarnissamik aaqqissuussisinaapput, annertunerusumik tapersersorneqarnissamik pisariaqartitsisoqarpat.

Immikkut illoqarfinni napparsimaviit, oqaloqatiginnittartunik attaveqarniarnermut suleqatigisaavoq pingaaruteqartoq. Suleqatigisat aallat pingaaruteqartut tassaapput isumaginnittoqarfinni sulisut, ingammik pinaveersaartitsinermut siunnersortit. Kræftimik nappaateqartut taakkulu qanigisaat aamma namminneq oqaloqatiginnittartunut saaffiginnissinnaapput, taakku ilisisarisimagunikkit. Taamaanngippat oqaloqatiginnittartoq qaninnerpaaq paasiniarneqarsinnaavoq Gerdas Lennertimut, Sisimiut, saaffiginninnikkut, oqarasuaat 86 69 70 imaluunniit najugarisami Neriuffiup immikkoortortaqarfianut.

Peqataasut 18-it tassaapput: Dorthe Jakobsen, Ilulissat, Kathrine Johansen, Ilulissat, Birthe Lundblad, Ilulissat, Louise Jeremiassen, Nuugaatsiaq, Benigne Løvstrøm, Niaqornat, Karen Johansen, Ilimanaq, Regine Svendsen, Qeqertarsuaq, Karoline Petersen, Upernavik, Ida Møller, Uummannaq, Pauline Frederiksen, Attu, Hedvig Siegstad, Kangaatsiaq, Rita Hendriksen, Kangaatsiaq, Ane W. Karlsen, Attu, Mette Møller, Qasigiannguit, Johanne Samuelsen, Qasigiannguit, Kaaka Mathiassen, Qeqertaq, Margrethe J. Broberg, Qeqertarsuaq, Maliina J. Lyberth, Narsaq.

Taakku saniatigut takuneqarsinnaapput siunnersorti Gerda Lennert, Sisimiut, Neriuffiup siulittaasua arnaq Johanne Olsen, Nuussuaq, aamma Eva Ethelberg, Kræftens Bekæmpelse, Danmark.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER