Mælkebøtten aalajangersimasumik isumaqatigiissuteqarusuppoq

Orniguttarfik atugaaleraluttuinnarpoq pisortaatalu ingerlanneqarneranut aningaasartuutit tamaasa pisortanit akilerneqartarnissaat piumasariniarpaat.

Assiliisoq: Mælkebøtten

Piffissaq annertooq atorneqarsimavoq aningaasaateqarfinnut inunnullu ataasiakkaanut qinnuteqartarnermut. Piffissaq tamanna meeqqanut orniguttartunut atorneqarsinnaagaluartoq. Tamanna orniguttarfiup pisortaata Kirsten Ørgaardip ukiumoortumik nalunaarusiami 2008-mi erseqqissaatigaa.

Meeqqat inuusuttuaqqallu orniguttarfiat Mælkebøtten ukiumut 5 millionit koruunit missingersuutigisarpai, taakkunannga 3,5 millionit koruunit aningaasaateqarfinnit aamma namminersortunit tunissutaallutik. Sinneri Kommuneqarfik Sermersuumit innersuunneqartut meeqqat unnuisinneqarnerannit akiliutaapput.

2008-mi meeqqat 76-it angerlarsimaffiup avataani inissinneqarput, taakku ilaat qaammatit pingasut allaat tikillugit illumiillutik. Illoqarfimmi meerarpassuit aamma illup sanaluttarfii atugarisarpaat, 2008-mi agguaqatigiissillugu ullormut meeqqat 21-t orniguttarsimapput.

Meeqqanut inuusuttuaqqanullu illu aqqanilinnik sulisoqarnissamut naatsorsuussaavoq.

Mælkebøtten ukiuni pingasuni isumaginninnermi misiligutitut suliniutitut ingerlanneqarpoq, suliniullu pillugu nalilersuisoqarpoq talerpimmi uani aaneqarsinnaasumik.

Mælkebøttenip siulersuisuini ilaasortaapput Henrik Sørensen, siulittaasoq (Nuummi Rotary Klubip toqqagaa), Mogens Øgaard (Kalaallit Nunaanni Sulisitsisut Peqatigiiffiannit), Jens Olsen (Nuummi Lions Clubimit toqqagaq) aamma Lars-Peter Danielsen (Red Barnetimit qinigaasoq).

Powered by Labrador CMS