Skip to main content

Finn Lynge: Nuannaajallannarpoq

Suliakka maangaannarsimanngillat, atuakkiortoq aamma inuiaqatigiinni oqallititseqataasartoq Finn Lynge Oqarpoq, pingasunngormat Verdensnaturfondenimiit, WWF, nunani assigiinngitsuni tuniunneqartartumik akissarsisinneqarpoq.

– Tamarmik nuannaajallannartarput, Finn Lynge nersorinnissut pingasunngormat allat tallimat aamma nersorniarneqartut peqatigalugit »WWF Conservation Merit Award« tigusani pillugu taamatut oqarpoq, tamanna pivoq Verdensnaturfondip Københavnimi ukiumoortumik nanut tamat peqataaffigisaannik ataatsimiinnerani.

Finn Lynge nersorinnissumik pissarsitinneqarpoq ukiorpassuarni pinngortitamik illersuiniaqatigiit aamma nunap inoqqaavisa akornanni isummat imminnut assortuutut ataqatigiissinniarlugit suliaqartarsimanini pillugu. Minnerunngitsumik pinngortitamik piujuaannartitsinissaq tunngavigalugu atuisinnaanermut tunngasutigut.

– Soorunalimi taamatut nersorinnissummik tunineqarneq uannut atortinnarpoq, tamatumuunami takutinneqarpoq naveersiniaannarani ataqatigiissitsiniarneq iluaqutaannginngitsoq, Finn Lynge sermitsiaq.gl-imut oqarpoq.

Erseqqissarpaa, qaammatit marluk matuma siorna ICC-p kajumissaatitut akissarsiaritittagaa imminut tunniunneqarmat tamanna aamma taamamatut imminut naleqarmat. ICC-p akissarsitsinerminut tunngavilersuutigaa Finn Lynge, ICC-mi avatangiisit pillugit kommissionimi siulittaasuunermigut issittumi piujuaannartitsinissaq tunngavigalugu piniarnerup ingerlanneqarneranik paasinnissamut siuttuusimasoq.

WWF-imi aallartitanut nunat tamat peqataaffigisaannik ukiumoortumut pingasunngormat ataatsimiinnermi oqalugiarnermini, Finn Lyngep eqqaasitsisutigaa FN nunap inoqqaavisa pisinnaatitaaffii pillugit isumaqatigiissut aalajangersarsimammagu, taannalu nunasuarmi inuaqatigiinnit tamangajannit atsiorneqarsimammat, taamaattorli pingaarutillit USA aamma Canada tamatumunnga peqataanngillat. Minnerunngitsumik ukiuni kingullerni silap pissusiata allanngoriartornerata nunap inoqqaavisa pisinnaatitaaffii tatineqariartorput. Soorlu assersuutigalugu orpippassuarnik arsaarininnikkut CO2-mik aniatitsineq annikillisarniarlugu, tamatumani Riomi isumaqatigiissummi aalajangersarneqartut mianerinagit, tassalu sumiiffinni innuttaasut isumasiorneqaqqaartarnissaat, Finn Lynge oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER