Skip to main content

Sermitsiaq nersualaarneqapajaartoq

Sapaatit akunneranni uani aviisimi quppernerit 29-t qineqqusaarutinik imaqarput.

Sapaatip akunnerani uani saqqummersoq Sermitsiaq arfininngornermi ualikkut GU-p Minihaliani qineqqusaarnermi tassanngaannaq oqallisaalerujoq.

Inuit Ataqatigiit siulittaasuata Kuupik Kleistip aviisi 2. juuni inatsisartunut qinersinissamut atatillugu quppernernik 29-nik oqallissaarutinik ilaqartoq nuannareqalugit atuarsimavai.

– Ilanngussat amerlanerit inuusuttunit qineqqusaartunit allataapput, tamatumalu nukissaqartippaatigut piumassuseqartillutalu namminersornermi suliassat annertuut naammassiniarnissaannut, Kuupik Kleist oqarpoq.

– Ilumut, Sermitsiap atuarnerani nuannaajallatsippaanga, Kuupik Kleist qineqqusaarnermi erseqqissaavoq.

Sorlaat Partiiatali Nikoline Ziemerip Kuupik pikkunaatsoortippaa oqarami:

– Aap, soorunalimi Kuupik nuannaarpoq, Sermitsiami ilanngussat amerlanerit IA-p qineqqusaartitaannit allataapput!

Quppernerit taakku 29-t misissorneqarmata allaaserisat 25-t IA-meersunit allataapput, 18-it Siumumeersunit, 11-t Demokraatineersunit aammalu ataaseq Atassummeersumit.

Taakku saniatigut ataaseq oqaatsit marluk atorlugit allataavoq, tassa kisimiilluni qinigassanngortittumit Max Madsenimit aamma oqaatsit marluk atorlugit Inuit Ataqatigiinniit, Demokraatiniit aamma Sorlaat Partiianniit ataasiakkaanit taakkunanga ataatsimut ilanngussat.

Partiit ataasiakkaat ilanngussaasa amerlassusaat Sermitsiap partiimik sorlermik tapersersuineranik ersersitsinngilaq, taamaallaalli qinigassanngortittut namminneq eqiasuillutik allannermikkut ilanngutitassiinnerannik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER