Kunngissat Ilulissani
Tallimanngornermi nal. 13 kunngissat Ilulissani tikilluaqquneqarput. Assit takukkit.
Talittarfik inussuarnik ulikkaarpoq innuttaasut untritillit arlaqartut niuffiormata Nunani Avannarlerni pingasuni kunngissat tikilluaqqullugit, taakku pingasunngormalli Nunatsinni angalalerput.
Angalanerat pisortatigoortuunngikkaluartoq illoqarfinni tikitaanni soqutiginninneq annertoqaaq tikilluaqqusisullu amerlaqalutik, aamma Ilulissani, tassani borgmester Jess Svane kunngikkormiut nunarsuarmi kommunit annersaannut tikilluaqquai.
Illoqarfimmi angalaareernerup kingorna tikeraat alapernaarsuummut Ejnar Mikkelsenimut Sisimiuniit Ilulissaliaassisumut uterput.
Umiarsuarmi tallimanngornermi kingullerpaamik unnuipput, Kangerlussuarmut uteriarlutik tassanngaanniit sermersualiassapput, tassani sermimi qilleraluni misissuinerit takuniassallugit.
Ilulissani illoqarfimmi angalaarneranni assit takukkit uani her.