Kalaallit meerartaannut aningaasat tunissutit
Kalaallit meerartaat Danmarkimiittut ajornartorsiuteqartullu Børnehjælpsdagenimit »Lillebror Pris« tapiiffigineqarput.
Qallunaaq isiginnaartitsisartoq ilisarisimaneqarluartoq Sofie Lassen Kahlke, »Anja og Victor«-filmini nalunnginneqartoq pingasunngormat Københavnip Rådhusiani checkimik 50.000 kr.-inik aningaasartalimmik Foreningen Grønlandske Børn-imut tunniussivoq. Peqatigiiffik Danmarkimi kalaallit meerartaannik ajornartorsiuteqartunik sullissinerminut aningaasanik taperserneqarpoq.
– »Et godt liv i Danmark« 'Danmarkimi inuuneq ajunngitsoq' tassaavoq suliniut ukiuni sisamani ingerlanneqartussaq kalaallit meeqqat aamma inuusuttut arfineq marluunniit 18-inut ukiullit ajornartorsiuteqartut kiisalu allanut akuleruttanngitsut sullinniarlugit ingerlanneqartussaq. Ingelatsinernik assigiinngitsunik neroorfigineqassapput; ilaatigut sapaatit akunnerata naanerani aallaarnerit, aasaanerani aallaarnerit aamma timersoqatigiiffinnut pulaarnerit.
– Suliniummi siunertaavoq ilaatigut meeqqat aamma inuusuttut imminnut tatiginerat nukittorsarniarlugit aamma allanut akuleruttannginnerannik, tamannami amerlasuut misigisarmassuk, qaangiisinnissaannik periarfissinniarlugit, Børnehjælpsdagen nalunaaruteqarpoq.