Atisat Kalaallit Nunaannut nassiunneqarput
Britta Sørensen Nordjyllandimi Aars-imeersoq peqqissaasutit Kalaallit Nunaanni qaammatini arfineq-pingasuni sulereerluni utersimalerpoq. Maanna atisanik Tasiilamut nassiussassanik katersivoq.
– Tasiilami assigiinngitsorpassuarnik amigaateqartoqartoq paasivara. Kamippaat nutaanngitsut eqqaavimmut igikkakkit aallartippoq. Arlaata togoriarlugit aperivaanga pisinnaanerlugit. Britta Sørensen Nordjyske.dk-mut oqaluttuarpoq.
Tamatuma kingorna atisami ilaat inunnut tunniutteqarsimavai, maannalu kalaallit nunaata tunuamiunut atisanik katersinini Nordjyllandimi ingerlateqqillugu. Farsømi Sygehus Himmerlandimim sulivoq. Tassani allagartumik nivinngaasimavoq, tassuunakkut inuit atisanik atunngisaminnik tunniussisarnissaat kajumissaarutigaa, atisat tamakku Tasiilamut nassiunneqassapput.
– Aamma Farsø Sygehus-imi allagartumik nivinngaasimavunga, suleqatinniillu atisarpaalussuarnik pissarsereerlunga. Karsit marluk nassiunnissaat takorloorsimavara, kisianni ima atisaqartigilerpoq nassiunnissaat akisuallaassalluni, Britta Sørensen oqaluttuarpoq, taanna maanna atisat Kalaalit Nunaannut nassiunnissaannut Lion Clubimit ikiorneqarpoq.