K: Kalaallit Nunaannut aningaasaliissutit navianartorsiortinneqarput

Kalaallit meerartaminnut atugassarititaat pitsanngunngippata naalagaaffiup aningaasaliissutai Konservativet peerniarpaat.

Assiliisoq: JENS DIGE

Kalaallit politikeriisa Kalaallit Nunaanni meeqqanut atugassarititaasut piaartumik pitsanngortinngippatigit, taava bloktilskudit Danmarkimeersut atorunnaassapput.

Taamatut oqariartuuteqarpoq Konservativet Kalaallit Nunaanni pissutsit pillugit oqaaseqartartuat, Per Ørum Jørgensen, oqariartuut taannaavoq kalaallinut politikerinut inatsisartunut juunip aappaani qinigassanngortittunut, berlingske.dk allappoq.

Per Ørum Jørgensen malillugu Konservativet maluginngitsuugassaanngitsumik taamatut pinngitsoorani malitassamik piumasaqarput tassa ukiumoortumik bloktilskudi 3,2 milliartit koruunit missaannik annertussuseqartut unitsinneqarnissaannik, tamatumunnga pissutaaavoq kalaallit meerartaasa atugarisaat ima ajortigimmata, allaat FN-ip meeqqat pillugit aningaasaateqarfia UNICEF malillugu Kalaallit Nunaata FN-ip meeqqat pillugit isumaqatigiissutaat unioqqutimmagu.

Ilaatigut misissuinermi annertuumi 2007-imi ingerlanneqartumik meeqqat atuarfiini atuaqatigiit klassit arfernganniit qummut misissuiffigineqarneranni takuneqarsinnaammaat, atuartut 17 procentii »akuttunngitsumik imaluunniit tamatigut kaallutik innartartut angerlarsimaffimminni nerisassaqannginnertik pissutigalugu«.

- Uagut piareersimavugut taamaaliornissatsinnut kiisalu kalaallit naalakkerlugit pissutsinik iluarsiinissaannut. Taamaaliunngippata taava uagut aningaasaqarnikkut pillaateqartariaqarpugut. Tamatumunnga atorsinnaavarput bloktilskudip unitsinneqarnera,« Per Ørum Jørgensen oqarpoq aamma nassuerutigalugu una »siusinnerusukkut danskit tungaanniit Kalaallit Nunaannut taamak sakkortutigisumik iliuuseqartoqanngisaannarsimasoq.

- Kisianni soorunami naatsorsuutigaarput Kalaallit Nunaanni politikerit qinigaarlaat sapinngisartik tamaat nunarsuaq tamakkerlugu isumaqatigiissutit eqquutsinniarlugit iliuuseqarnissaat.

Kisianni bloktilskudi tamarluinnaat?

- Aap, taamaattariaqarpoq. Pissutsit maannakkut atuuttut akuerineqarsinnaanngillat, oqarpoq.

Powered by Labrador CMS