Skip to main content

Sermersuup kommunimi utoqqaat tikeraarpai

Kommuneqarfik Sermersuumi utoqqarnik isumassuinermi sulisut marluk Paamiuniipput illoqarfimmi utoqqarnik isumassuineq paasisaqarfigiumallugu.

Utoqqarnik isumassuinermi sulisut marluk, siunnersortip Ingeborg Haagensenip aamma visitatorip Helene Heilmannip, utoqqaat illuat pulaarpaat utoqqaallu peqatigiiffiat Nukilaatsut ataatsimeeqatigalugu. Utoqqaat, kiisalu aallat pisariaqartitsisut, pulaarneqarput. Isumassuinermi sulisut kommunimi utoqqaat periarfissaannik oqaluttuarput.

Visitator Helene Heilmannip utoqqaat 75-inik ukioqalereersimasut pulaarpai, pulaarnernilu siunertaavoq utoqqaat kajumissassallugit inigisaminni najugaqaannaqqullugit, pisariaqartitaannillu oqaloqatigalugit, assersuutigalugu ungaluusat ajapertakkat, rolatorit il.il.

Paamiuni utoqqarnik sullissinerup imaluunniit sulianik suliarinninnerup pitsanngorsarnissaa siunertaralugu sulisut taakkua marluk aamma misissorpaat, sulianik ingerlatsineq qanoq ingerlanneqartarnersoq, paasilluguli suliassaqarfinnut ataasiakkaanut naleqqussarneqassasut.

Sulisut taakkua marluk nalunaarusiussapput, taannalu kommunalbestyrelsimut saqqummiunneqassaaq. Ingeborg Haagensenip aamma Helene Heilmannip tullianik angalaffigissavaat Ittoqqortoormiit Tasiilarlu. Tamanna pissaaq ukiaru siusissukkut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER