Skip to main content

Qaanaami puisinniarneq dk4-mi

dk4-mi Jagtmagasinetimi unnugu aallakaatitassami sammineqassaaq nunatsinni upernaakkut natserniarneq, unnugulu nalunaaqutaq 22.00 aallakaatinneqassalluni.

Piniarneq piniartarfimmi eqqarsaatigineqarsinnaasutut kusanarnerpaami avinngarusimanerpaamilu pivoq - kangerlummi sikusimasumi 77. breddegradimiittumi, tassa avannaarsuani. Taamatut allappoq Huntersgamagazine.dk.

Aprilip naalernerani majillu aallartinnerani natsiit sikup qaavani seqinnisaartarput. Tamanna periarfissaalluarpoq proteineqarluartunik tamakkuninnga piniarnissamut, tamannalu annertuumik ingerlanneqartarpoq issittup ulluini seqinnarissuni ulloq unnuarlu atuuttuni.

Puisit qimussimik orninneqartarput qimussernerlu pisarpoq iluliarujussuit akornisigut. Ilanngullugulu piniarneq ajornakusoorpoq unammillernartorujussuullunilu, taamaattumik imminut ilisarinissamut periarfissaqarluassaaq Jagtmagasinetimeersoq Steen Andersen Qaanaami piniartoq Martin Uumaaq piniariaqatigippagu.

Aallakaatitassiaq sapaatip akunnerata ingerlanerani aallakaateqqinneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER