Skip to main content

Jess G: Inuk sulisussanngorlugu pinngortitaavoq

Taamaattumik ilinniarfiit uagut nammineq oqaatsivut atorlugit soraarummeerutaasinnaasariaqarput, ilinniartitaanermilu atortut kalaallisut allataasariaqarlutik, SIK-p siulittaasua Jess G. Berthelsen Nuummi maajip aallaqqaataasiornermi oqalugiarnermini ilaatigut taamak oqarpoq.

Oqalugiarneq namminersornerusut illorusata saavani pivoq, maajip aallaqqaataasiorluni ingerlaaneq SIK-p qullersaqarfianiit pisarnertut pereermat.

SIK-p siulittaasuata oqalugiarnermini siullernut ilaatillugu sulisartut novembarimi namminersorneq pillugu taasinermi namminersornermut taasisimanerat pillugu qutsavigai.

- Namminersorneq isumaqarpoq nunami innuttaasut namminneq oqaasissaqarfeqartut, innuttaasullu namminneq oqaatsiminnik atuisut. Imaappoq aamma uagut nunarput nunanit allaneersunit tikeraassallugu nuannersoq, innuttaasullu imminnut tatigisut. Sulisartut suleqatigalugit namminersorneq pilersissavarput, aammalu nuna nunallu innuttai aallaavigalugit namminersorneq pilersissallugu, Jess G. Berthelsen maajip aallaqqaataasiorluni oqalugiarnermini oqarpoq.

Oqalugiarnermini aamma aatsitassat, avataaniit suliartortut, qinersisarneq pillugu inatsit, aalisarneq, ineqarneq, meeqqat kaattut angajoqqaavi aammalu naggataagut inatsisartunut qinersinissarput ilanngullugit oqaaseqarfigai.

- Sulisartut kattuffianniit tusarusupparput suliffissaaleqineq, inissaaleineq, angalanerit akisuut ajornakusoortullu, annertussusileriikkanik ikiorsiissutit naammagittaalliutaasut, pisortat allaffeqarfiinut saaffiginninnermi kalaallisut kiffartuunneqarsinnaannginnermik ajornartorsiutit, ineqarnermut akiliutit qaffasissut kiisalu ineqarnermut ilanngaat qanoq ilillugit aaqqinniarneqarnersut tusarusukkaluarpagut, Jess G. Berthelsen oqalugiarnermini ilaatigut oqarpoq.

Aamma assilisat takukkit - uani .

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER